بايزاق اۋدانى جامبىل وبلىسىنا ەڭ جاقىن اۋدانداردىڭ ءبىرى بولىپ سانالادى. سوندىقتان دا بۇل ارتىقشىلىق اۋداننىڭ الەۋمەتتىك-ەكونوميكالىق تۇرعىدان دامۋىنا قولايلى بولىپ وتىر. ويتكەنى باسقا اۋدانمەن سالىستىرعاندا اۋىل شارۋاشىلىق ونىمدەرىن وبلىس ورتالىعى تاراز قالاسىنا اكەلىپ ساتۋ، ىڭعايلى. بۇدان بولەك اۋداندا ورتالىق اۋرۋحانامەن بىرنەشە بالاباقشا كۇردەلى جوندەۋدەن ءوتىپ، سۋ جاڭا مەكتەپ پايدالانۋعا بەرىلدى.
بايزاق اۋداندىق ورتالىق اۋرۋحاناسى. 1976 جىلى سالىنعان اۋرۋحانا عيماراتىنا اعىمدى جانە كۇردەلى جوندەۋ جۇمىستارى جاسالىپ جاتىر اتالعان جوندەۋ جۇمىستارىنا رەسپۋبليكالىق بيۋدجەتتەن بەرىلگەن ترانسفەرتتەر ەسەبىنەن 71 ملن. 475 مىڭ تەڭگە، ال جەرگىلىكتى بيۋدجەت قاراجاتىنان 7 ملن. 942 مىڭ تەڭگە بولىنگەن. كۇردەلى جوندەۋ جۇمىستارى شىلدەنىڭ 26-ءى كۇنى باستالىپ، اعىمداعى جىلدىڭ 26 قىركۇيەگىندە اياقتالادى.
اقشولاق ورتا مەكتەبى. ءۇش اۋىسىمدا وقيتىن اقشولاق ورتا مەكتەبىنىڭ پروبلەماسى شەشىلىپ، 120 ورىندىق مەكتەپ قۇرىلىسى 1 قىركۇيەكتەن باستاپ پايدالانۋعا بەرىلەدى. بۇگىندە مۇندا عيمارات اينالاسىن اباتتاندىرۋ، كوگەرىشتەندىرۋ جۇمىستارى جۇرگىزىلدى. سونداي-اق، مەكتەپ ىشىنە قاجەتتى قۇرال-جابدىقتار قامتاماسىز ەتىلدى.
جاقسىلىق ۇشكەمپىروۆ اتىنداعى سپورت سارايى. سارىكەمەر اۋىلىندا 948,0 ملن تەڭگەگە 29 جوبا ىرىكتەلىنىپ الىنىپ، ونىڭ 24-ءى بويىنشا جۇمىستار جۇرگىزىلۋدە. سولاردىڭ ءبىرى ج.ۇشكەمپىروۆ اتىنداعى №1 بالالار-جاسوسپىرىمدەر سپورت مەكتەبى اعىمداعى كۇردەلى جوندەۋ جۇمىسى قىزۋ جۇرگىزىلۋدە. بۇگىندە اۋدان تۇرعىندارىنىڭ سانى 106 253 ادامدى قۇراسا، ونىڭ ىشىندە، تۇراقتى تۇردە دەنە شىنىقتىرۋ جانە سپورتپەن اينالىساتىن ازاماتتار سانى 31670 ادام نەمەسە حالىقتىڭ 29,8 پايىزىن قۇرايدى.
شاعىن فۋتبول الاڭشاسى مەن باسكەتبول الاڭىنىڭ باستىرماسى. سارىكەمەر اۋىلىنىڭ ورتالىق ستاديونى اۋماعىنان حالىقارالىق ستاندارتقا ساي كەلەتىن شاعىن فۋتبول الاڭشاسىنىڭ قۇرىلىسى جۇرگىزىلۋدە. شاعىن فۋتبول الاڭشاسىنىڭ قۇنى – 7,1 ملن. تەڭگەنى قۇرايدى. سونداي-اق وسى جەردە باسكەتبول الاڭىنىڭ باستىرماسىنا اعىمداعى جوندەۋ جۇمىستارىن جۇرگىزىلىپ جاتىر. الداعى ۋاقىتتا قۇرامداستىرىلعان سپورت الاڭى رەتىندە قايتا جاڭعىرىپ، ەل يگىلىگىنە 2019 جىلدىڭ 1 قىركۇيەك كۇنى بەرىلەتىن بولادى.
"بالدىرعان" جانە "تەرەموك" بالاباقشاسى. "اۋىل - ەل بەسىگى" جوباسى اياسىندا "بالدىرعان" بالاباقشاسى دا اعىمداعى جوندەۋدەن وتكىزىلۋدە. مۇندا بالاباقشا ءىشى قايتا جاڭعىرتىلىپ،سىرتقى جۇمىستار جۇرگىزىلۋدە. سونداي-اق بايتەرەك اۋىلدىق وكرۋگىندەگى "تەرەموك" بالاباقشاسى دا كۇردەلى جوندەۋدەن وتكىزىلىپ جاتىر. جالپى قۇنى 164 ميلليون 475 مىڭ تەڭگەگە باعالانعان بالاباقشاداعى كۇردەلى جوندەۋ جۇمىستارى قازان ايىنىڭ سوڭىندا پايدالانۋعا بەرىلەدى.
«ەسەنباەۆ ب.م.» وسىمدىك مايىن قايتا وڭدەۋ تسەحى. بۋرىل جانە كوكتال اۋىلدىق وكرۋگتەرىندە ورنالاسقان «ەسەنباەۆ ب.م.» وسىمدىك مايىن قايتا وڭدەۋ تسەحىننىڭ جوبالىق قۇنى 200 ملن تەڭگە. قۇرال-جابدىقتارى 75 ملن تەڭگە بولعان ماي تسەحىنىڭ قۋاتتىلىعى تاۋلىگىنە 50 توننا ماي سىعادى. 50 توننا ماقسارىدان 10 توننا، ال 50 توننا سەمىشكەدەن 20 تونناعا دەيىن ماي شىعادى. قازىرگى تاڭدا تسەح اۋىلدىڭ 10 تۇرعىنىن جۇمىسپەن قامتىپ وتىر.
«دۋلات» شارۋا قوجالىعى. كوكتال اۋىلدىق وكرۋگىندە ورنالاسقان «دۋلات» شارۋا قوجالىعى 2014 جىلدان بەرى 3 مىڭ باس مىق مالىن بورداقىلاۋمەن اينالىسىپ كەلەدى. تاۋلىگىنە 100 باس مال سويۋعا ارنالعان بۇل كەشەننىڭ جوبا قۇنى 497 ملن. تەڭگەنى قۇرايدى. شارۋاشىلىق 75000 ايلىقپەن 15 ادامدى جۇمىسپەن قامتىپ وتىر.
«ميكا» شارۋا قوجالىعى. قوستوبە اۋىلدىق وكرۋگىندە ورنالاسقان «ميكا» شارۋا قوجالىعىنىڭ جالپى قۇنى 100 ملن تەڭگە بولاتىن جىلىجاي كەشەنىن سالعان. قوجالىقتىڭ جالپى جەرى 2,0 گا، ال جىلىجاي 0,8 گا كامتيدى. 2019 جىلدىڭ ءبىرىنشى ماۋسىمىندا 102,0 توننا قيار ءوندىرىپ، ەكىنشى جارتى جىلدىققا قيار داقىلىن ەككەن. شارۋاقوجالىق 10 ادام تۇراقتى جانە 10 ادام ماۋسىمدى جۇمىسپەن قامتىپ، 75 مىڭ تەڭگە كولەمىندە جالاقى تولەپ وتىر.
«نۇرلى جاي» شارۋا قوجالىعى. «سىباعا» باعدارلاماسى بويىنشا بايزاق اۋدانىنىڭ «نۇرلى جاي» شارۋا قوجالىعى چەحيادان ەت باعىتىنداعى 90 سيىر الىپ كەلدى. ءبىر سيىردىڭ قۇنى 544 مىڭ 500 تەڭگە. وتكەندە سىباعا باعدارلاماسى بويىنشا 90 باس اسىل تۇقىمدى سيىر العا "نۇرلى جاي" شق سۋرەتتەرى. شق باسشىسى سەيتكادىروۆا اسەل تۋلەپەرگەنوۆا
