Qostanaida Kia avtomobilderı öndırısınıŋ tolyq siklın qamtityn zauyttyŋ qūrylysy bastaldy. Qūrylys jūmystaryn resmi bastau räsımıne QR Premer-Ministrınıŋ bırınşı orynbasary Roman Skliar jäne Qostanai oblysynyŋ äkımı Qūmar Aqsaqalov qatysty, dep habarlaidy «Adyrna» ūlttyq portaly.
Ükımettıŋ baspasöz qyzmetınıŋ mälımetınşe, osyndai ırı önerkäsıp nysanynyŋ qūrylysy Memleket basşysy Qasym-Jomart Toqaevtyŋ Oŋtüstık Koreia kompaniiasynyŋ basşylyǧymen uaǧdalastyqtary nätijesınde bastalyp otyr. Eske sala keteiık, osy jyldyŋ qaŋtar aiynda Prezident Qostanaida Kia avtomobilderınıŋ şaǧyn toraptyq öndırısın ıske qosu räsımıne qatysa otyryp, önerkäsıp kooperasiiasyn odan ärı keŋeitu jäne injenerlık bazany qalyptastyrudyŋ maŋyzyn atap ötken bolatyn. Joǧary jalaqy tölenetın 1 500 jūmys ornyn qūruǧa mümkındık beretın jaŋa zauyttyŋ öndırıstık quaty jylyna 70 myŋ avtokölık bolmaq. Jobaǧa şamamen $250 mln tıkelei şeteldık investisiialar salynatyn bolady. Roman Skliar öz sözınde Kia kompaniiasy alǧaş ret Koreia Respublikasynan tys jerde bırlesken käsıporyn men zauyt saluǧa tıkelei investisiia salyp otyrǧanyn atap öttı.«Qostanaida KIA avtomobilderın şyǧaratyn tolyq sikldı zauyt saludy maşina jasau salasy üşın şyn mänınde serpındı joǧary tehnologiialyq joba dep atauǧa bolady. Būl joba naqty multiplikativtı äser beredı, injenerlık jäne tehnikalyq kadrlardyŋ jaŋa buynyn daiarlau deŋgeiın arttyruǧa, sondai-aq lokalizasiialaudyŋ kelesı kezeŋıne köşudı aitarlyqtai jedeldetuge mümkındık beredı», — dedı Roman Skliar.Premer-Ministrdıŋ bırınşı orynbasarynyŋ aituynşa, osyndai negızgı investory bar zauyttyŋ paida boluy otandyq önerkäsıptı damytudyŋ maŋyzdy kezeŋı, ekonomikanyŋ barlyq salalarynda Oŋtüstık Koreiamen bolaşaq bırlesken investisiialyq jobalar üşın aiqyn ülgı bolady.
Qūrylys jūmystary 2024 jyly aiaqtalady dep kütılude, sodan keiın jabdyqtar ornatyla bastaidy. 2025 jyldyŋ bırınşı toqsanynda zauyt pilottyq rejimde ıske qosylmaq, al ekınşı toqsanynda öndırıstıŋ tolyq siklı aşylady.
«Bügınde Kia üşın Qazaqstan Respublikasynyŋ ekonomikasyn damytuǧa üles qosu mümkındıgıne ie bolu – ülken qūrmet pen maqtanyş. Qostanaidaǧy jaŋa zauyt azamattar, universitet tülekterı men injenerlerge joǧary deŋgeidegı täjıribe jinauǧa mümkındık beretın bıregei jūmys oryndaryn ūsyna otyryp, maŋyzdy röl atqaratynyna senımdımın», — dedı Kia Corporation prezidentı jäne bas direktory Ho Sun Son beinehabarlamasynda.
Oŋtüstık Koreia kompaniiasy avtomobil jasaudaǧy jergılıktı qamtu deŋgeiın arttyru boiynşa Qazaqstannyŋ önerkäsıptık saiasatyna tolyq qoldau körsetuge daiyn ekenın bıldırdı. Kia Qostanaida lokalizasiialau ortalyǧyn aşu boiynşa belsendı türde jūmys jürgızıp jatyr. Mūnda şaǧyn jäne orta biznestıŋ qatysuymen qūramdas bölıkter öndırısı jürgızılmek.
Oblys äkımı Qūmar Aqsaqalov ozyq älemdık täjıribelerge jügıne otyryp, zamanaui joǧary tehnologiialyq käsıporyndy ıske qosu respublikanyŋ avtomobil jasaudaǧy öndırıs kölemın ūlǧaituǧa yqpal etetınıne senımdı.
«Maşina jasau salasyn damytu öŋırdıŋ damuyna multiplikativtık tūrǧydan äser etedı. Atap aitqanda, maşina jasau salasynda bır jūmys ornyn qūru basqa salalarda bes-alty jūmys ornynyŋ qūryluyna septıgın tigızedı. Öndırısterdı lokalizasiialau deŋgeiın arttyru üşın jaŋa zauyttyŋ ainalasynda qūramdas bölşekter jetkızuşılerı retınde şaǧyn jäne orta biznes beldeuı qūrylady», — dedı Qūmar Aqsaqalov.
Koreia Respublikasynyŋ Qazaqstandaǧy elşısı Te-ik Chjo 30 jyldan astam uaqyt boiy Qazaqstan men Oŋtüstık Koreia özara tiımdı ärıptestıktı nyǧaityp kele jatqanyn atap öttı.
«Bügınde elderımız QR Prezidentı Qasym-Jomart Toqaevtyŋ Qazaqstan halqyna Joldauynda aitylǧan ekonomikalyq reformalardyŋ maqsattaryna säikes keletın ekonomikalyq yntymaqtastyqty ıs jüzınde belsendı türde damytuda. Būl reformalar öŋdeu salasyn damytu arqyly respublika önerkäsıbın ärtaraptandyruǧa baǧyttalǧan», — dedı ol.
«Adyrna» ūlttyq portaly.
Ūqsas jaŋalyqtar
