Düniejüzılık bank (DB) sarapşylary Qazaqstan üşın 2012-2022 jyldar «joǧalǧan onjyldyq» dep atady, dep habarlaidy “Adyrna” ūlttyq portaly QazTag-qa sıltep.
«2000-2007 jyldary ortaşa alǧanda jylyna 4,5%-ǧa aitarlyqtai öskennen keiın jalpy faktor önımdılıgınıŋ ösımı 2012-2022 jyldary jylyna 0,9%-ǧa deiın tömendedı… Negızınde būl Qazaqstan üşın «joǧalǧan onjyldyq» boldy», - delıngen Düniejüzılık banktıŋ «Qazaqstan ekonomikasy – 2023-2024 jylǧy qys» baiandamasynda.
Qūjatqa säikes, Qazaqstan önımdılıktıŋ tömendıgı men ekonomikanyŋ qūrylymdyq älsızdıgı saldarynan baiau ösudı körsetıp otyr.
Eŋ aiqyn kemşılık – 2007 jylǧa deiın orta eseppen JIÖ-nıŋ 26%-dan soŋǧy onjyldyqta 23%-ǧa deiın tömendegen kürdelı salymdar. Qazaqstan Düniejüzılık banktıŋ mälımetterı boiynşa ǧylymi-zertteu jäne täjıribelık-konstruktorlyq jūmystarǧa (ǦZTKJ) azyraq qarajat böledı – būl ortaşadan joǧary tabysy bar elderdıŋ ortaşa deŋgeiınen de az. 2008-2009 jyldardaǧy bank daǧdarysy kompaniialardy nesielendıru aǧynyn būzdy.
«Naqty mände biznestı nesieleu qory 2022 jyly 2007 jylǧy deŋgeiden şamamen 35%-ǧa tömen boldy», - delıngen baiandamada.
