Mädeniettanuşy, jazuşy Zeinep Ahmetova 4 qyrküiek künı Qonaev qalasynda ötken tıl festivalınde qazaq tılınıŋ toqyrap bara jatqandyǧyn aityp, onyŋ saldaryn atap öttı, dep jazady "Adyrna" tılşısı. Būl turaly jelıde Aigül Bolathanqyzy bölıstı.
"Qazaq tılınıŋ örısın taryltyp qūrdymǧa ketuıne sebepşınıŋ bırı - äsıredınşılder. Öitkenı olar dästürge şabuyl jasap keledı. Al dästür joiylsa, tıl de qūridy. Aitalyq, kelın sälemı kerek emes, ol - qūdaiǧa qosaq qosu. Olardyŋ tüsınıgınde solai, iaǧni toilarynda “Betaşar” aitylmaidy! Al qazaq “Betaşarynyŋ” tarihy sonau ötken ǧasyrlardan bastau alady, tıptı künı bügınge deiın “Betaşar” jazbaǧan aqyn kemde-kem. Eger toida kelın sälemı şirk bolsa, “Betaşar” aitylmasa, qazaqtyŋ tıldık qoryndaǧy qanşama söz qūryp jatyr ǧoi. Ekınşıden, hidjab mäselesın alsaq, būl da solai! Bır ǧana şaştyŋ ainalasyndaǧy qanşama söz ūmytylmai ma osylai kete berse! Aitalyq, qolaŋ şaş, sümbıl şaş, on ekı örım, qos būrym, kekıl, tūlym, şaşbau, şolpy, şaşteŋge, üzbe… Taǧy bır eskerer närse bar. Ūltty qūrtudy maqsat etkender aldymen sol ūlttyŋ atyn öşıruge tyrysady, esımınen bastaidy. Qazır balasyna qazaq esımderın qoimaityndar köbeidı. Būl jaqsylyqqa aparmaidy. Qazaqta “tılden qaldy” degen söz bar. Nauqasqa qaratyp aitylady. Tılden qalǧan auru adamnyŋ betı berı qaramaidy. Onyŋ myna düniedegı tatar dämı tausylǧan şaqta tılden qaldy. Al eger tūtas bır ūlt, bızdıŋ QAZAQ tılden qalsa ne bolady? Oilaudyŋ özı qorqynyşty! Bız saldaryn ǧana aitamyz. Sebebımen kürespeimız" deidı Zeinep apamyz.
Ūqsas jaŋalyqtar
