Memleket basşysy Qasym-Jomart Toqaev referendumǧa belsene qatysqan jastarmen äŋgımelestı. Ol 15 nauryz Konstitusiia künı bolyp belgılengenın mälımdedı, dep habarlaidy “Adyrna”.
«Men basqa da memleketterdıŋ konstitusiialarymen tanysyp şyqtym. Bızdıŋ Konstitusiiamyz eŋ üzdık Ata zaŋdardyŋ qatarynda tūrady dep senımmen aita alamyn», – dedı memleket basşysy.
Sondai-aq, Prezident respublikalyq referendum barysynda jürgızılgen ekzit-poll qorytyndysymen tanysty.
«Bügın – Qazaqstan üşın tarihi kün! Elımızdıŋ azamattary konstitusiialyq reformany qoldap, referendumǧa belsendı türde qatysty. Otanymyzdyŋ bolaşaǧyn oilap dauys berdı. Būl – öte jaqsy oqiǧa. Qazır ǧana ekzit-polldyŋ nätijelerı şyqty. Soǧan säikes qazaq elı tübegeilı tarihi taŋdauyn jasady. Halqymyzǧa şynaiy rizaşylyǧymdy aitqym keledı. Bügın jūrtymyz dauys berıp, Qazaqstannyŋ tarihyn, taǧdyryn aiqyndady. Būl şeşım dünie jüzı tarihynda mäŋgı saqtalady. Būl mäsele boiynşa eşqandai kümänım joq. Öitkenı būl – azamattarymyzdyŋ boiyndaǧy naǧyz otanşyldyq nyşany. Endı jyl saiyn 15 nauryzdy – Konstitusiia künı, iaǧni, elımızdıŋ eŋ basty merekesınıŋ bırı retınde qarsy alamyz. Sebebı Qazaqstan halqy jaŋaru men jaŋǧyru üşın dauys berdı. Būl – bızdıŋ bärımızge ortaq jetıstık. Barşaŋyzdy şyn jürekten qūttyqtaimyn! – dedı Memleket basşysy.
