24 mamyr künı Almaty qalasy “Alatau” dästürlı öner teatrynda «Köpten kütken kezdesu» taqyrybynda Bauyrjan Momyşūlynyŋ kelını, «Şuaqty künder», «Babalar amanaty», «Küretamyr» kıtaptarynyŋ avtory, jazuşy, qoǧam qairatkerı Zeinep Ahmetovamen kezdesu öttı, dep habarlaidy “Adyrna” ūlttyq portaly.
Almaty qalasy äkımdıgı Mädeniet basqarmasy men “Adyrna” ūlttyq-etnografiialyq bırlestıgı qoǧamdyq qory bırlesıp ūiymdastyrǧan şarada Zeinep Ahmetova ūlttyq tärbie, ruhani qūndylyq, salt-dästür, ene men kelın arasyndaǧy syilastyq, bala tärbiesı turaly özınıŋ ömırden tüigen täjıribesınen keŋınen äŋgımeledı.
Sondai-aq, qalam men qarudy qatar ūstaǧan batyr baba Bauyrjan Momyşūlynyŋ ömırı, onyŋ ösietterı men este qalarlyq qyzyqty oqiǧalarymen bölıstı.
«Atamnyŋ arqasynda bügıngı därejege jetıp, el ışınde erkelep jürmın» degen ol, barlyq maqtau-madaqtau özıne emes, batyr atamyzǧa aityldy dep qabyldaitynyn jetkızdı.
Keştı “Adyrna” ūlttyq etnografiialyq bırlestıgınıŋ jetekşısı Arman Äubäkır tızgındedı. Sondai-aq, şara barysynda dästürlı änşı Erlan Töleutai änın şyrqady.
El anasynyŋ ūlaǧatqa toly ǧibratty äŋgımelerın tyŋdauǧa kelgen körermen qarasy qalyŋ. Kompozitor Qaldybek Qūrmanälı, qoǧam qairatkerı, Abaitanuşy Ädıl Nesıpbaev, Qazaqstannyŋ eŋbek sıŋırgen qairatkerı Asyly Osman syndy halyq qalaulylary qonaq boldy. Jinalǧan qauym arasynan sūraqtar qoiylyp, ystyq lebız, arnau-tılekterı aityldy.
Üş jarym saǧat halyqpen syrlasyp, kelelı kezdesu ötkızgen Zeinep Ahmetovaǧa keş soŋynda syi-syiiapat tabystaldy. Qūttyqtau sözımen ortaǧa şyqqan Almaty qalasy äkımdıgı mädeniet basqarmasynyŋ mädeni köpşılık ıs-şaralar bölımınıŋ basşysy Arman Halbekov Zeinep Ahmetovaǧa kamzol kigızıp, oramal japty.
Üş jarym saǧat halyqpen syrlasyp, kelelı kezdesu ötkızgen Zeinep Ahmetovaǧa keş soŋynda syi-syiiapat tabystaldy. Qūttyqtau sözımen ortaǧa şyqqan Almaty qalasy äkımdıgı mädeniet basqarmasynyŋ mädeni köpşılık ıs-şaralar bölımınıŋ basşysy Arman Halbekov Zeinep Ahmetovaǧa kamzol kigızıp, oramal japty.
Ūqsas jaŋalyqtar
