Jazuşy Zeinep Ahmetova "El arna" telearnasyndaǧy "Qyzdar men jıgıtter" baǧdarlamasyn synap tastady, dep habarlaidy "Adyrna" ūlttyq portaly Azattyq ruhyna sıltep.
"El arna" telarnasy men Tūrsynbek Qabatovtyŋ äielı Möldır Mūqan baǧdarlamada qazaqtyŋ äigılı äskeri qolbasşysy Bauyrjan Momyşūlyn oiynǧa ainaldyrǧan.
Zeinep Ahmetova telearnada körgen üzındı jüregıne qatty batqanyn jetkızdı.
"Täuelsızdık, erkındık, söz bostandyǧy dep keibıreuler auzyna kelgenın aityp, oiyna kelgenın söilep, beibastyqqa baryp jür. Adamnyŋ jany türşıgetın, jan-dünieŋdı qūlazytatyn habardy janaşyr kısılerdıŋ bırı jıberıp otyr. Qazaqstanǧa belgılı Atamyzdyŋ tıkesınen tık tūrǧan suretınıŋ basyn oiyp, bır äiel adam sol jerge basyn sūǧyp tūr. Oǧan ainalasyndaǧylar tyrqyldap külıp, mäz bolyp otyr. Būl ne degen bassyzdyq, ne degen teksızdık?! Äruaqpen oinap, Atanyŋ äruaǧyn taptap, basyn jūlyp aluǧa kım olarǧa mūndai qūqyq berıp otyr?” - dep jauap berdı.
Baǧdarlama barysynda Möldır Mūqan Bauyrjan Momyşūlynan keşırım sūrap, sälem salǧan. Alaida Zeinep Ahmetova būl ıstı jaiyna qaldyrmaitynyn aitady.
"Al endı osy habardy jasap otyrǧan jap-jas kısıler tittei de bolsyn, oilanǧan joq pa? Qūdaidan qalai qoryqqan joq? Äruaqtan qalai seskengen joq? Olar ülkendı syilaudy, äsırese äruaqty syilaudy üirengen joq pa? Basynan bastap uyzyna jarymaǧan beişaralar özınıŋ tarihyna özı tükırıp otyr. Ūly adamdardy aiaqqa taptap otyr. Al būl jaqsylyqqa aparmaidy.
Ol qūrdasy ma nemese joldasy ma edı? Basqa adam tabylmai qaldy ma? Ol suret bükıl Qazaqstanǧa belgılı. Almatyǧa joly tüsken kısıler ädeiılep üige kelıp, suretke täu etıp, suretke tüsıp, eskertkış retınde alyp ketedı. Būl – balalaryn alyp kelıp, erteŋgı künı atasynyŋ qasynda tüskenın, sol şaŋyraqta bolǧanyn körsetu üşın ätuırleitın suret.
Eger tüptep barar bolsaq, sotqa beruge bolady. Ol kısı qazaqtyŋ ar-namysyn tu etıp ūstaǧan, ūlttyq ruhtyŋ simvoly bolady. Sony tüsınbegen myna jastar erteŋgı künı elge bırnärse beredı degenge senbeimın. Men olardy tıptı ata-anadan tärbie körmegen, teksız dep oilaimyn.
Özgesı özge, baqilyq bolǧan äruaqtardy, onyŋ üstıne bükıl halyq qadırleitın ūly tūlǧalaryn mazaqtau eşkımdı eşqaşan jaqsylyqqa aparmaidy. Bır kün bolmasa bır künı omaqasyp, qabyrǧalary qausap tüsuı mümkın. Ösıp kele jatqan bala-şaǧalary bar. Nege Qūdaidan qoryqpaidy?! Men būl ıstı jai qaldyra almaimyn. Öitkenı ūlttyŋ ūly adamyn qorlap otyr. Endı kelıp, bolaşaǧy alda jap-jas qyz-kelınşekter sol Atanyŋ basyn oiyp, jūlyp alyp, oǧan äieldıŋ basyn tyǧyp "mynau kım?" dep soǧan yrjalaqtap külıp otyr? Äruaq eşqaşan keşırmeidı", – dedı Zeinep Ahmetova.
Aita keteiık, El arna telearnasy äleumettık jelıdegı beinenı öşırıp tastady.
