Reseılik tarıhshy, Kreml saıasatynyń úgit-nasıhatshysy Mıhaıl Smolın «Mesto vstrechı» tok-shoýynda 1917 jylǵy revolıýııaǵa deıin qazaqtar da, ózbekter de ult retinde bolmaǵanyn aıtty, dep habarlaıdy "Adyrna" ulttyq portaly. Bul týraly NTV arnasyndaǵy baǵdarlamada málimdedi.
Tarıhshy 1917 jylǵy revolıýııaǵa deıin qazaqtar men ózbekterdiń «múldem» bolmaǵanyn aıtty.
"Qazaqstan qalaı paıda boldy? Rasynda, alǵashynda RSFSR quramynda Kazaky SSR dep ataldy, qazaqtar múldem bolmaǵan. Odan keıin Kazaky SSR ishinen Qyrǵyz ASR qurylyp, RSFSR quramynan bólinip shyqty. Onda ulttardyń qurylýy týraly sheshimder osylaısha volıýtarıstik túrde qabyldanǵan. Mysaly, ózbekter revolıýııaǵa deıin bolmaǵan, tipti ondaı etnıkalyq ataý bolmaǵan. Sony alyp, birneshe Ortalyq Azııa halyqtarynan ózbekterdi qurap shyǵardy», - dedi Smolın.
Buǵan deıin, Reseılik telejúrgizýshi ári prodıýser Tına Kandelakı de Qazaqstandaǵy temirjol vokzaldarynyń ataýyn ózgertýdi synap, elde orys tilin memlekettik deńgeıde yǵystyrý baıaý, biraq senimdi túrde jalǵasyp jatqanyn aıtty. Budan keıin qazaqstandyq jýrnalıst Dınara Sátjan arandatýshylyq málimdemege jaýap berip, «óz degenimen basqa bireýdiń "handyǵyna" aralaspaý kerektigin» atap ótti.
Osydan keıin Kandelakı taǵy únsiz qalmaı, qazaq halqyna Reseıdiń Qańtar oqıǵasy kezindegi kómegin eske saldy. Aıta ketý kerek, endi oǵan Qazaqstanǵa kirýge tyıym salynbaq.
Vıdeo: Reseılik tarıhshy Mıhaıl Smolınniń degenderin 42 mınýttan ári kórýge bolady
