Resei Memlekettık Dumasynyŋ vise-spikerı Petr Tolstoi «Komsomolskaia pravda» radiosynda qazaq qalalarynyŋ äuel bastan orystıkı bolǧanyn, sondyqtan Resei Federasiiasynyŋ olarǧa tarihi qūqyǧy bar ekenın aitty, dep habarlaidy “Adyrna” ūlttyq portaly.
Reseilık saiasatkerdıŋ aituynşa, Mäskeu Ukraina taqyrybyn aiaqtamasa, onda Qazaqstanmen, Armeniiamen jäne Resei Federasiiasyn qorşap tūrǧan basqa eldermen mäseleler tuyndaidy.
«Bügıngı taŋda Qazaqstanda täuelsızdıkke, latyn älıpbiıne köşuge qatysty ūlttyq mifologiia damyp kele jatqan qandai da bır qazaq memleketın qalpyna keltıru tūrǧysynan ne bolyp jatqanyn qaraŋyzşy», dedı Petr Tolstoi.
Ol qazaqtar Almaty qalasynyŋ 1867-1921 jyldar aralyǧynda Vernyi atauymen bolǧanyn ūmytpauy keregın aitty.
«Bızdıŋ orys kazaktarynyŋ bekınısı. Al būl oqiǧanyŋ ūlttyq bolmys üşın maŋyzy zor. Basqa äŋgıme oilap tabudyŋ qajetı joq», – deidı Petr Tolstoi.
Onyŋ aituynşa, jerdıŋ bärı Qytaiǧa, qazba bailyǧy aǧylşyndarǧa satylyp ketkennıŋ özınde de Reseiden bölınudıŋ qajetı joq. Ol körşılermen «jaqsy qarym-qatynasta» boluy kerek dep qosty.
”Qazaqstan - bızdıŋ jerımız! Bız ony älı de eske salamyz”, dep qosty ol.Petr Tolstoidyŋ būl mälımdemesı turaly ukrainalyq jurnalist Denis Kazanskii telegram arnasynda pıkır bıldırdı.
«Būl reseilık şovinister, reseilık rejim esınen tanyp qaldy, ol ainalasyndaǧy barlyq memleketterdı jek köredı, ol bärıne bırdei qauıp töndıredı, ol bärın tömen sanaidy», - dep atap öttı ukrainalyq jurnalist.
Ol Resei «tarihi jerlerın» basyp aluǧa qūqyǧy bar dep sanaitynyn aitty.
«Kördıŋız be, reseilıkter Qazaqstan men Ukrainaǧa qatysty josparlary bırdei ekenın tıptı jasyrmaidy», - dep tüiındedı Denis Kazanskii.
Eske salaiyq, būǧan deiın Petr Tolstoi Özbekstan turaly mälımdeme jasap, olardyŋ şabyna tigen bolatyn. Memlekettık Duma deputaty orys tılı – memlekettık tıl bolyp tabylmaityn elderdıŋ azamattaryna qoǧamdyq oryndarda, mysaly, jürgızuşı, satuşy nemese kurer bolyp jūmys ısteuge tyiym salu turaly bastama köterdı. Būl rette Tolstoi orys tılı būrynǧy KSRO qūramyndaǧy barlyq respublikalarda ūltaralyq qatynas tılı boluy kerek dep atap körsettı. Parlamentariidıŋ aituynşa, Qazaqstan, Belarus jäne Qyrǧyzstan būl normany ūstanady, bıraq Armeniia, Täjıkstan jäne Özbekstan joq. Osy mälımdemelerge jauap retınde Özbekstan deputaty Bekmurodov reseilık ärıptesıne «öz azamattary men öz elınıŋ mäselelerımen ainalysuǧa» keŋes berdı.
