Foto: Reuters
Ukrainanyŋ Kiev oblysy Buchan audanyndaǧy oq-därı qoimasynda bolǧan ört saldarynan kemınde 27 adam qaza tapty, dep habarlaidy “Adyrna” DW-ǧa sıltep.
Taǧy 42 adam jaraqat alǧan. Oqiǧa Reseidıŋ şabuylynan keiın boldy.
Ukraina prezidentı Vladimir Zelenskiidıŋ mälımetınşe, soqqy 28 tamyzǧa qaraǧan tünı jasalǧan. Jarylystardan keiın qoima aumaǧynda ört şyqqan.
Zelenskiidıŋ aituynşa, şabuyl saldarynan maŋaidaǧy infraqūrylymǧa da aitarlyqtai ziian kelgen. Tūrǧyn üiler, qarttar men mügedektıgı bar adamdarǧa arnalǧan pansionat zaqymdanǧan.
Oqiǧa ornynan 370-ten astam adam evakuasiialanǧan. Evakuasiia jūmystary jalǧasyp jatyr.
Kiev oblystyq äskeri äkımşılıgınıŋ basşysy Timur Tkachenkonyŋ mälımetınşe, jarylystardan keiın oqiǧa ornyna jaqyn ornalasqan şamamen 50 ǧimarat bülıngen.
Ukraina bas prokuraturasy oqiǧaǧa bailanysty qyzmettık nemqūrailylyq faktısı boiynşa qylmystyq ıs qozǧady. Tergeu barysynda reseilık şabuyldyŋ barlyq män-jaiy, sondai-aq jarylys qaupı bar zattar men materialdardyŋ käsıporyn aumaǧynda saqtaluynyŋ zaŋdylyǧy tekserıledı.
Ukraina bilıgı oq-därılerdı tūrǧyn üilerge jaqyn jerde ornalastyruǧa bolmaitynyn habarlady.
Al Resei qorǧanys ministrlıgı soqqy oq-därı qoimasyna jasalǧanyn habarlady. Vedomstvonyŋ mälımetınşe, qoimada FP-1 jäne FP-2 qaşyqtan basqarylatyn ūşqyşsyz ūşu apparattaryna arnalǧan bölşekter men ıske qosu üdetkışterı saqtalǧan.
