Belgılı qoǧam qairatkerı Nūrtöre Jüsıptıŋ aituynşa, jastarǧa şabyt beretın, olardyŋ armanyn oiatyp, ızdenuge jeteleitın tūlǧalar turaly eŋbekterdı köbeitu qajet. Ol älemge jaŋaşyldyǧymen tanylǧan İlon Mask sekıldı adamdardyŋ tabys jolyn zertteumen qatar, Qazaqstannan da sondai auqymdy oilaityn, tehnologiia men ǧylymda serpılıs jasaityn azamattardy keŋınen nasihattau maŋyzdy ekenın atap öttı.
Būl turaly ol "Adyrna" ūlttyq portalyna bergen sūhbatynda aitty.
Onyŋ pıkırınşe, qazaq jastarynyŋ arasynan da öz İlon Maskı şyǧuy äbden mümkın. Ol üşın jas ūrpaqqa naqty ülgı bolatyn oqiǧalar köbırek aitylyp, ǧylymǧa, tehnologiiaǧa jäne käsıpkerlıkke qyzyqtyratyn tūlǧalardyŋ ömır joly keŋınen tanystyryluy kerek.
Sonymen qatar, būl mäsele tek kıtap jazumen şektelmeuı tiıs. Mūndai oqiǧalar oqyrmanǧa qyzyqty formatta ūsynylyp, qoǧamǧa keŋınen nasihattalǧany maŋyzdy. Öitkenı sapaly eŋbek jazylǧanymen, ony az ǧana adam oqysa, negızgı maqsatqa jetu qiyn. Sondyqtan ǧylym, tehnologiia jäne käsıpkerlık salasynda jetıstıkke jetken tūlǧalar turaly kıtaptarmen qatar, derektı filmder, serialdar jäne bılım beru jobalary da köbırek jasaluy qajet.
«Adam armandap, qiialdai bıluı kerek. Mysaly, qazır bır ǧana İlon Masktyŋ özın alyp qaraŋyzşy. Osydan 5-6, 10 jyl būryn elektrokarlar, bolmasa Marsqa ǧaryş kemesın ūşyryp, zertteidı dep kım oilady?! Mask adamzat köşınde bır özınıŋ jasaǧan ideiasyna jaqynda ǧana 76 mlrd dollar investisiia qūiyp otyr. Aitqan sözıne, onyŋ üsynǧan jobasyna Amerika, Qytai qoldau bıldırıp otyr. Qazır ǧaryşty, Aidy igeruge de älem elderı, adamzat balasy qyzyǧuşylyq tanytuda», - dep atap öttı qoǧam qairatkerı.
Aituynşa, ǧaryşty baǧyndyruǧa bızdıŋ jastardyŋ da äleuetı men mümkındıgı joǧary.
«Bızdıŋ Baiqoŋyrymyz tūr. Ǧaryş salasyn oqyp, zerttep jürgen jastarymyz da barşylyq. Qazır qazaq moinyn būruy kerek. Öitkenı, erteŋ tehnologiiasyna ie bolyp, aşyq tūrǧan keŋıstıkterdı meŋgerıp, qazaq ūlty kıruı kerek», - deidı Nūrtöre Jüsıp.
