Qarmetkombınattaǵy qaıǵyly oqıǵa el bıliginiń sheteldik olıgarhtarmen aýyz jalasa otyryp, tutas ultty quldanýynyń soraqy kórinisi. Munyń basynda Nazarbaev jáne onyń jemqor klanynyń turǵandyǵy belgili. Sondyqtan Nazarbaev pen onyń sybaılastaryn jaýapqa tartyp, jazasyn bermeı, bul is bitpek emes.
Qysqasy, qazaqqa ulttyq revızııa kerek! Kesheden beri Karmet kombınattyń Mıttalǵa sý teginge satylýy týraly jarııalanyp jatqan masqara aqparattar osy revızııanyń bastalǵanynyń bir belgisi deýge bolady. (Árıne bul aqparattyq qana, degenmen bul aqparattar qoǵamdyq pikir týdyrady, óz kezeginde ol saıası bılikke áser etedi, ári qaraı túrli proesterge ulasady t.b. )
Degenmen, bul revızııa ondaǵan tipti júz jylǵa deıin sozylýy múmkin, ıaǵnı ult eseıip, memleketshildik sana kúsheıgen saıyn Nazarbaev pen oǵan qyzmet etken sheneýnikter men ǵalymdar, aqyn, jazýshylar, jýrnalıster taǵy basqa jaldaptardyń máseleleri maı shammen qaralatyn zaman kelmek jáne bul kezeń túrli saıası-tarıhı faktorlarǵa baılanysty uzaqqa sozylmaq.
Túbi qazaq lıýstraııasy bolmaı qoımaıdy, biz sanaly hám beısanaly túrde bul kezeńge kele jatyrmyz.
Sebebi óz elin, óz jerin, onyń jer asty, jer ústi baılyǵyn sheteldik olıgarhtarǵa satyp, týǵan halqyn quldanýdyń tap osyndaı jabaıy úlgisi eshbir memlekette buryn-sońdy mundaı masshtabta bolmaǵan.
Biz qalaı synasaq ta, prezıdent Toqaev bul istiń basyn bastap berdi, alaıda Nazarbaevtyń qoıasyn qan-jynymen aqtarýǵa onyń shamasy kelmeıdi, ǵumyry da jetpeıdi. Sebebi bul óte qııamet-qaıym is, buǵan ulttyń eseıgeni, halyq sanasynyń óskendigi, qoǵamnyń jańarǵany, jańa býynnyń almasqany kerek. Sol sebepti de bul lıýstraııany keler urpaq tolyq júzege asyrmaq.
Sol kezde otyz jyl el dáýletin tonap, qazaqtyń nesibesin jegender jetpis jeti urpaǵyna deıin qarabet bolmaq, al ultty tirideı jegen jemqorlar men Nazarbaevty maqtap-maqtap, onyń bıligin otyz jylǵa sozdyrǵan eki júzdi jaǵympazdardyń nemere, shóbereleri amalsyz shetel aspaq.
"Kóp aspqanǵa - bir tosqan" deıdi halyq danalyǵy. Hár nárseniń suraýy bar, ulttyń tipti...
