قارمەتكومبيناتتاعى قايعىلى وقيعا ەل بيلىگىنىڭ شەتەلدىك وليگارحتارمەن اۋىز جالاسا وتىرىپ، تۇتاس ۇلتتى قۇلدانۋىنىڭ سوراقى كورىنىسى. مۇنىڭ باسىندا نازارباەۆ جانە ونىڭ جەمقور كلانىنىڭ تۇرعاندىعى بەلگىلى. سوندىقتان نازارباەۆ پەن ونىڭ سىبايلاستارىن جاۋاپقا تارتىپ، جازاسىن بەرمەي، بۇل ءىس بىتپەك ەمەس.
قىسقاسى، قازاققا ۇلتتىق رەۆيزيا كەرەك! كەشەدەن بەرى كارمەت كومبيناتتىڭ ميتتالعا سۋ تەگىنگە ساتىلۋى تۋرالى جاريالانىپ جاتقان ماسقارا اقپاراتتار وسى رەۆيزيانىڭ باستالعانىنىڭ ءبىر بەلگىسى دەۋگە بولادى. (ارينە بۇل اقپاراتتىق قانا، دەگەنمەن بۇل اقپاراتتار قوعامدىق پىكىر تۋدىرادى، ءوز كەزەگىندە ول ساياسي بيلىككە اسەر ەتەدى، ءارى قاراي ءتۇرلى پروتسەستەرگە ۇلاسادى ت.ب. )
دەگەنمەن، بۇل رەۆيزيا ونداعان ءتىپتى ءجۇز جىلعا دەيىن سوزىلۋى مۇمكىن، ياعني ۇلت ەسەيىپ، مەملەكەتشىلدىك سانا كۇشەيگەن سايىن نازارباەۆ پەن وعان قىزمەت ەتكەن شەنەۋنىكتەر مەن عالىمدار، اقىن، جازۋشىلار، جۋرناليستەر تاعى باسقا جالداپتاردىڭ ماسەلەلەرى ماي شاممەن قارالاتىن زامان كەلمەك جانە بۇل كەزەڭ ءتۇرلى ساياسي-تاريحي فاكتورلارعا بايلانىستى ۇزاققا سوزىلماق.
ءتۇبى قازاق ليۋستراتسياسى بولماي قويمايدى، ءبىز سانالى ءھام بەيسانالى تۇردە بۇل كەزەڭگە كەلە جاتىرمىز.
سەبەبى ءوز ەلىن، ءوز جەرىن، ونىڭ جەر استى، جەر ءۇستى بايلىعىن شەتەلدىك وليگارحتارعا ساتىپ، تۋعان حالقىن قۇلدانۋدىڭ تاپ وسىنداي جابايى ۇلگىسى ەشبىر مەملەكەتتە بۇرىن-سوڭدى مۇنداي ماسشتابتا بولماعان.
ءبىز قالاي سىناساق تا، پرەزيدەنت توقاەۆ بۇل ءىستىڭ باسىن باستاپ بەردى، الايدا نازارباەۆتىڭ قوياسىن قان-جىنىمەن اقتارۋعا ونىڭ شاماسى كەلمەيدى، عۇمىرى دا جەتپەيدى. سەبەبى بۇل وتە قيامەت-قايىم ءىس، بۇعان ۇلتتىڭ ەسەيگەنى، حالىق ساناسىنىڭ وسكەندىگى، قوعامنىڭ جاڭارعانى، جاڭا بۋىننىڭ الماسقانى كەرەك. سول سەبەپتى دە بۇل ليۋستراتسيانى كەلەر ۇرپاق تولىق جۇزەگە اسىرماق.
سول كەزدە وتىز جىل ەل داۋلەتىن توناپ، قازاقتىڭ نەسىبەسىن جەگەندەر جەتپىس جەتى ۇرپاعىنا دەيىن قارابەت بولماق، ال ۇلتتى تىرىدەي جەگەن جەمقورلار مەن نازارباەۆتى ماقتاپ-ماقتاپ، ونىڭ بيلىگىن وتىز جىلعا سوزدىرعان ەكى ءجۇزدى جاعىمپازداردىڭ نەمەرە، شوبەرەلەرى امالسىز شەتەل اسپاق.
"كوپ اسپقانعا - ءبىر توسقان" دەيدى حالىق دانالىعى. ءھار نارسەنىڭ سۇراۋى بار، ۇلتتىڭ ءتىپتى...
