Astanada Ulttyq qorǵanys ýnıversıtetiniń aldyna qoıylǵan Nazarbaev eskertkishi alyndy, dep habarlaıdy «Adyrna» tilshisi.
Qorǵanys mınıstrligi bul sheshimdi «Tuńǵysh prezıdent – Elbasy atyndaǵy Ulttyq qorǵanys ýnıversıtetiniń» ataýy «Ulttyq qorǵanys ýnıversıteti» bolyp ózgertilýine baılanysty qabyldanǵanyn aıtty.
«Osyǵan baılanysty Ulttyq qorǵanys ýnıversıtetiniń aýmaǵynda ornalasqan tuńǵysh prezıdenttiń eskertkishin QR Qarýly kúshteri memlekettik áskerı-tarıhı mýzeıine kóshirý jáne ornatý týraly sheshim qabyldandy. Qazir eskertkish qorǵanys vedomstvosyna qarasty ǵımaratqa ýaqytsha qoıyldy. Daıyndyq jumysy júrgizilgennen keıin eskertkish mýzeıge ornatylady»,—dedi mınıstrliktiń baspasóz qyzmeti.
