Búgin prezıdent Qasym-Jomart Toqaevtyń tóraǵalyǵymen elimizdiń áleýmettik-ekonomıkalyq damý máseleleri jáne Úkimettiń ortamerzimdi kezeńge arnalǵan boljamdary qarastyrylǵan keńes ótti, dep habarlaıdy «Adyrna» tilshisi Aqordanyń baspasóz qyzmetine silteme jasap.
Jıynǵa premer-mınıstr Oljas Bektenov, prezıdent ákimshiliginiń basshysy Aıbek Dádebaı, ulttyq bank tóraǵasy, joǵary aýdıtorlyq palatanyń tóraǵasy, Úkimet músheleri jáne basqa da laýazymdy tulǵalar qatysty.
Memleket basshysyna negizgi áleýmettik-ekonomıkalyq damý kórsetkishteri, respýblıkalyq bıýdjettiń bıylǵy 7 aıdaǵy oryndalýy jáne 2025-2027 jyldarǵa arnalǵan respýblıkalyq bıýdjet jobasyndaǵy makroekonomıkalyq parametrler jóninde baıandaldy.
Úkimet kelesi jyly ekonomıka 5,6 paıyz deńgeıinde ósim kórsetedi, al ınflıaııa 5,5 – 7,5 paıyzǵa deıin tómendeıdi dep boljam jasap otyr.
Qasym-Jomart Toqaev Úkimetke makroekonomıkalyq kórsetkishterdi boljaý jáne memlekettik bıýdjet sapasyn arttyrý, ortalyqtaǵy jáne jergilikti deńgeıdegi memlekettik shyǵyndardy basymdyǵyna qaraı retteýdiń naqty mehanızmin engizý, sondaı-aq kóleńkeli ekonomıkamen kúres sharalaryn kúsheıtý týraly mindet júktedi.
