QR Prezidentı Qasym-Jomart Toqaev aldaǧy Ūlttyq dombyra künımen qūttyqtady, dep habarlaidy "Adyrna" ūlttyq portaly.
"Dombyra – ūlt bolmysy, halyq qazynasy. «Qazaq – naǧyz qazaq emes, naǧyz qazaq – dombyra». Äsırese, öskeleŋ ūrpaqtyŋ dombyraǧa degen yqylasy erekşe. Jastar töl mädenietımızdı tereŋ tüsınıp, salt-dästürımızge qūrmetpen qaraidy. Būl – öte jaqsy ürdıs. Öitkenı ata-babalarymyzdyŋ mädeni mūrasyn közdıŋ qaraşyǧyndai saqtau – naǧyz otanşyldyqtyŋ körınısı. Otanǧa süiıspenşılık – memlekettılıgımızdıŋ temırqazyǧy", – dep jazdy Prezident özınıŋ X paraqşasynda.
Memleket basşysy dästürlı öner qairatkerlerıne de alǧys bıldırdı. Onyŋ aituynşa, Qairat Baibosynov «Qazaqstannyŋ Eŋbek Erı», Aigül Ülkenbaeva men Aigül Qosanova «Qazaqstannyŋ halyq ärtısı» ataǧyna ie boldy.
"Qasiettı qara dombyranyŋ kümbırın bükıl älemge paş etıp jürgen azamattarǧa alǧys aitamyn", – dedı Qasym-Jomart Toqaev.
Aita keteiık, Ūlttyq dombyra künı şılde aiynyŋ alǧaşqy jeksenbısınde atalyp ötedı. Būǧan deiın elımızde dombyra künıne orai 300-ge juyq ıs-şara ūiymdastyrylatyny habarlanǧan.
