Neshe kúnnen beri álemdik aqparat quraldarynyń basty taqyryby taıaý shyǵystaǵy soǵys. Áleýmettik jelige kirip qalsań jarylystar men atqylaýlardan jan tapsyrǵan adamdar. Sanynda shek joq, qaraýǵa júrek te shydamaıdy. Bir kishkentaı bala máıitterdiń arasynan ata-anasyn izdep sharq urdy. Bir kezde taýyp jylap otyr... Sumdyq. Bitse eken aty óshkir soǵys. Álemde beıbitshilik bolsa eken tezirek!
Erteń elimizde 25 qazan Respýblıka. Bul merekeniń mańyzy men máni erekshe bárimiz úshin. Osyndaı almaǵaıyp zamanda bizge tynyshtyq pen turaqtylyq kerek. Aǵaıyn tatý bolsa as kóp. Al alystaǵy aǵaıynnan jaqyndaǵy kórshi artyq dep atam qazaq kóp nárseni bilip aıtyp ketken.
Mereke qarsańyndaǵy saltanatty jıynda Memleket basshysy Q.Toqaev bylaı dedi:
«Biz birtindep qoǵamdy ózgertý jáne demokratııa qaǵıdattaryn engizý jolynan aınymaımyz. Álemde saıası jáne ekonomıkalyq ahýal qubylyp turǵan zamanda zań jáne quqyq ústemdigin qamtamasyz etý óte mańyzdy.
Memleket radıkalızmniń, ekstremızmniń, quqyqtyq nıgılızmniń jáne turmystyq vandalızmniń kez kelgen kórinisine múldem tózbeýshilik saıasatyn ustanatyn bolady. Elimiz óktemdik pen óshpendilikke, qoǵamdyq tártipti aıaq asty etýge, zorlyq-zombylyqqa shaqyrýǵa, azamattardyń ar-namysyn taptaıtyn áreketter jasaýǵa jol bermeıdi.
Zańǵa qaıshy keletin, azamattardyń arasyna iritki salatyn jáne turaqtylyqqa syna qaǵatyn kez kelgen sóz ben áreketke qatań tosqaýyl qoıady. Bul talapqa baǵynbaý memleketke de, qoǵamǵa da qarsy shyǵý dep baǵalanady. Muny bárin, ásirese, el aldynda júrgen jáne halyqqa sózi ótimdi azamattar tereń túsinýi kerek».
Túıin. Altaý ala bolsa aýyzdaǵy ketedi, tórteý túgel bolsa tóbedegi keledi. Aýyzbirshiligimizden ajyratpasyn bastysy. Mereke qutty bolsyn!
Ashat Sadyrbaı
Facebook paraqshasynan alyndy
