نەشە كۇننەن بەرى الەمدىك اقپارات قۇرالدارىنىڭ باستى تاقىرىبى تاياۋ شىعىستاعى سوعىس. الەۋمەتتىك جەلىگە كىرىپ قالساڭ جارىلىستار مەن اتقىلاۋلاردان جان تاپسىرعان ادامدار. سانىندا شەك جوق، قاراۋعا جۇرەك تە شىدامايدى. ءبىر كىشكەنتاي بالا مايىتتەردىڭ اراسىنان اتا-اناسىن ىزدەپ شارق ۇردى. ءبىر كەزدە تاۋىپ جىلاپ وتىر... سۇمدىق. بىتسە ەكەن اتى وشكىر سوعىس. الەمدە بەيبىتشىلىك بولسا ەكەن تەزىرەك!
ەرتەڭ ەلىمىزدە 25 قازان رەسپۋبليكا. بۇل مەرەكەنىڭ ماڭىزى مەن ءمانى ەرەكشە ءبارىمىز ءۇشىن. وسىنداي الماعايىپ زاماندا بىزگە تىنىشتىق پەن تۇراقتىلىق كەرەك. اعايىن تاتۋ بولسا اس كوپ. ال الىستاعى اعايىننان جاقىنداعى كورشى ارتىق دەپ اتام قازاق كوپ نارسەنى ءبىلىپ ايتىپ كەتكەن.
مەرەكە قارساڭىنداعى سالتاناتتى جيىندا مەملەكەت باسشىسى ق.توقاەۆ بىلاي دەدى:
«ءبىز بىرتىندەپ قوعامدى وزگەرتۋ جانە دەموكراتيا قاعيداتتارىن ەنگىزۋ جولىنان اينىمايمىز. الەمدە ساياسي جانە ەكونوميكالىق احۋال قۇبىلىپ تۇرعان زاماندا زاڭ جانە قۇقىق ۇستەمدىگىن قامتاماسىز ەتۋ وتە ماڭىزدى.
مەملەكەت راديكاليزمنىڭ، ەكسترەميزمنىڭ، قۇقىقتىق نيگيليزمنىڭ جانە تۇرمىستىق ءۆانداليزمنىڭ كەز كەلگەن كورىنىسىنە مۇلدەم توزبەۋشىلىك ساياساتىن ۇستاناتىن بولادى. ەلىمىز وكتەمدىك پەن وشپەندىلىككە، قوعامدىق ءتارتىپتى اياق استى ەتۋگە، زورلىق-زومبىلىققا شاقىرۋعا، ازاماتتاردىڭ ار-نامىسىن تاپتايتىن ارەكەتتەر جاساۋعا جول بەرمەيدى.
زاڭعا قايشى كەلەتىن، ازاماتتاردىڭ اراسىنا ىرىتكى سالاتىن جانە تۇراقتىلىققا سىنا قاعاتىن كەز كەلگەن ءسوز بەن ارەكەتكە قاتاڭ توسقاۋىل قويادى. بۇل تالاپقا باعىنباۋ مەملەكەتكە دە، قوعامعا دا قارسى شىعۋ دەپ باعالانادى. مۇنى ءبارىن، اسىرەسە، ەل الدىندا جۇرگەن جانە حالىققا ءسوزى ءوتىمدى ازاماتتار تەرەڭ ءتۇسىنۋى كەرەك».
ءتۇيىن. التاۋ الا بولسا اۋىزداعى كەتەدى، تورتەۋ تۇگەل بولسا توبەدەگى كەلەدى. اۋىزبىرشىلىگىمىزدەن اجىراتپاسىن باستىسى. مەرەكە قۇتتى بولسىن!
اسحات سادىرباي
Facebook پاراقشاسىنان الىندى
