Memlekettık keŋesşı Erlan Qarin Qazaqstan Prezidentı Qasym-Jomart Toqaevtyŋ Respublika künıne arnalǧan sözınde basa män bergen bırqatar öte maŋyzdy ideologiialyq basymdyqtarǧa toqtaldy. Būl turaly Telegram arnasynda jazdy, dep habarlaidy “Adyrna” ūlttyq portaly.
Ol Toqaevtyŋ sözınde ışkı jäne syrtqy saiasatqa, äleumettık-ekonomikalyq saiasatqa jäne aimaqtardy damytuǧa qatysty tūşymdy oi-pıkır aitylǧanyn jazdy.
1. Bız jalpyūlttyq basty qūndylyǧymyz – Täuelsızdıktı qasterlep, qorǧauymyz kerek. Sol üşın saliqaly syrtqy saiasat jürgızıp, elımızdegı beibıtşılık pen kelısımdı saqtaimyz.
2. Qoǧamda radikalizmnıŋ, ekstremizmnıŋ, qūqyqtyq nigilizmnıŋ jäne tūrmystyq vandalizmnıŋ kez kelgen körınısıne müldem tözbeuşılık üstemdık qūruǧa tiıs. Eldegı tūraqtylyq pen bereke-bırlık – egemendık men memlekettılıktı saqtaudyŋ maŋyzdy alǧyşarty.
3. Soŋǧy jyldary ıske asyrylǧan özgerısterden keiın ötkenge endı qaita oralmaimyz. Reformalar halyqtyŋ saiasi sana-sezımın edäuır özgerttı. Jūrtymyz memlekettı basqarudyŋ būrynǧy täsılın qaitaruǧa jol bermeidı.
4. Bügıngı jastar – Qazaqstannyŋ keleşektegı kelbetı. Elımızdı damytu jolynda jas ūrpaqtyŋ jasampaz quaty maŋyzdy röl atqarady. Sondyqtan Memleket basşysy öz sözınde jastarǧa arnaiy ündeu joldady.
5. Adal eŋbek pen jauapkerşılık igı ısterdıŋ ūiytqysy boluǧa tiıs. Qoǧamda eŋbek adamyna erekşe qūrmet körsetıluı kerek. Biyl 298 mūǧalım men därıgerdıŋ, 259 auyl eŋbekkerlerınıŋ, 119 eŋbek ardagerlerınıŋ, 88 öndırıs salasy qyzmetkerlerınıŋ memlekettık nagradalarmen marapattaluy kezdeisoqtyq emes.
Memlekettık saiasattyŋ mazmūny men ışkı maqsat-mındetterı osyndai myzǧymas qūndylyqtarǧa negızdeledı.
Ūqsas jaŋalyqtar
