Búgin, 25-shi qazan Almatydaǵy «Medeý» muz aıdynynda Respýblıka kúnine oraı memlekettik týdy kóterý saltanaty ótti.
Is-sharaǵa qala ákimi Erbolat Dosaev, máslıhat depýtattary, jastar jáne qoǵamdyq uıymdardyń ókilderi men qala turǵyndary qatysty.
Aýmaǵy 98 sharshy metr bolatyn memlekettik tý bıiktigi 40 metrlik tuǵyrǵa áskerı orkestrdiń súıemeldeýimen jáne ánurandy oryndaýmen kóterildi.
Sharany Qosqanat Kópjasar júrgizse, Jubanysh Jeksenuly, Óktem Altaı, Kenjebek Janábilov, «IL CANTO» toby jáne ózge de óner ıeleri óz týyndylarymen jınalǵan qaýym kóńilin ósire tústi.
Is-sharanyń basty maqsaty – Qazaqstan Respýblıkasynyń Memlekettik egemendigi men táýelsizdiginiń mańyzdylyǵyn atap ótý, otansúıgishtik sezimin, azamattardyń óz eliniń dástúrlerine, tarıhy men mádenıetine degen qyzyǵýshylyǵy men qurmetin nyǵaıtý.
Rásim memlekettiń birligi men táýelsizdigin, sondaı-aq onyń turaqty damý men órkendeýge degen umtylysyn bildiredi.
Respýblıka kúni-elimizdiń egemendigi men táýelsizdigin alýdy beıneleıtin ulttyq mereke. Bul kún tereń tarıhı jáne saıası mánge ıe, óıtkeni 1990 jylǵy 25 qazanda Qazaq KSR-niń Memlekettik Egemendigi týraly Deklaraııa qabyldandy — bul 1991 jyly jarııalanǵan Táýelsizdikke alǵashqy qadam bolǵan mańyzdy qujat.
