1990 jyly 25-qazanda HII saılanǵan Joǵarǵy Keńestiń sessııasynda «Qazaq SSR-iniń memlekettik egemendigi týraly Deklaraııa» qabyldanýy qurmetine taǵaıyndalǵan Respýblıka kúni bizge asa qymbat meıram bolatyn. Ókinishke qaraı bul meıramnyń rýhanı qýattylyǵy eks-prezıdentke unamaı túrli jeleýmen 17 jyldan keıin 2008 jyly Táýelsizdik kúnine sińirilip jiberildi. Sóıtip múlde ataýsyz qaldy. Alaıda qoǵamdyq jurtshylyqtyń, jazýshylar men jýrnalıster qaýymynyń úzdiksiz usynystary men talaptarynyń arqasynda araǵa 14 jyl salyp Respýblıka kúni merekelik kúntizbege qaıtyp oraldy. Allaǵa sheksiz shúkirshilik, ótken, 2022 jyly memleket basshysy Q.Toqaev shyǵarǵan arnaıy Jarlyqpen bul data ulttyq mereke retinde atalyp ótiletin boldy.
Biraq osy merekeniń Respýblıka kúni ataýy maǵynasyz. Kópshilikke onsha unamaıdy. Bul qaı respýblıka kúni? 1920 jyly 26 tamyzdaǵy RSFSR quramyndaǵy avtonomııalyq respýblıka ma? Álde 1936 jylǵy 5-jeltoqsanda qurylǵan odaqtas respýblıka ma? Túsiniksizdeý.
Aqıqaty – áride! Egemendik Deklaraııasy qabyldanǵan tusta Qazaqstan áli Keńes odaǵynyń quramynda bolatyn. Kompartııa eldegi bılikten qolyn áli ajyrata qoımaǵan. Sodan basshylyq saıası maǵynasy tereń Azattyq kúni dep ataýdan jasqanyp, eshteme mindettemeıtin jyǵa saldy Respýblıka kúni ataýyna toqtaǵan. Egemendik eıforııasymen muny baıqamadyq. Halyq solaı bolý kerek shyǵar dep qabyldady.
Alaıda merekeniń aqıqat máni – bul data qazaq halqyn ańsaǵan azattyǵyna jaqyndata tústi. Qazir ústimizden Odaq tónip turǵan joq. Kompartııa bılikten ketkeli qashan? Qazaqstan memlekettik egemendik Deklaraııasyna, oǵan negizdep jarııalaǵan táýelsizdigine, qoldanystaǵy Konstıtýııasyna sáıkes eshkimge jaltaqtamaı óz máselesin ózi sheshedi.
Sondyqtan bul saıası meıramnyń aqıqat ataýy – Azattyq merekesi bolýǵa tıis!
