Memleket basşysy Qasym-Jomart Toqaev Qazaqstan halqyn Täuelsızdık künımen qūttyqtap, el bırlıgı men qoǧamdyq tūraqtylyqtyŋ maŋyzyn atap öttı, dep habarlaidy "Adyrna" ūlttyq portaly.
Prezidenttıŋ aituynşa, 16 jeltoqsan — halqymyzdyŋ tarihi taŋdau jasap, egemen el retınde damu jolyn tüpkılıktı aiqyndaǧan künı.
"Täuelsızdık bärınen qymbat. Bız babalar ruhyna taǧzym etıp, öskeleŋ ūrpaq aldyndaǧy tarihi jauapkerşılıktı sezıne otyryp, osy ūstanymǧa adal bolamyz", – dedı Qasym-Jomart Toqaev.
Prezident azamattardyŋ yntymaǧy men özara qoldauynyŋ, sondai-aq qoǧamdaǧy kelısım men tūraqtylyqtyŋ arqasynda Qazaqstan täuelsızdıktı nyǧaitu jolynda eleulı jetıstıkterge jetkenın atap öttı. Onyŋ sözınşe, qazırgı jahandyq özgerıster kezeŋınde eldıŋ bırlıgı men senımı erekşe maŋyzdy.
Memleket basşysy jürgızılıp jatqan auqymdy reformalar Qazaqstannyŋ jahandyq bedelı men bäsekege qabıletın arttyruǧa baǧyttalǧanyn aitty.
"Strategiialyq baǧdarymyzdan auytqymai, Ädılettı, Küştı, Taza ärı Qauıpsız Qazaqstandy qūramyz", – dedı Prezident.
Qasym-Jomart Toqaev qazaqstandyqtarǧa baq-bereke men tabys tılep, Täuelsızdıktıŋ mäŋgı boluyn tıledı.
