Belgili kásipker Qaırat Boranbaevtyń bostandyqqa qashan shyǵatyny belgili boldy. Bul týraly Bas prokýrordyń orynbasary Áset Shyndalıev málimdedi, dep habarlaıdy “Adyrna” ulttyq portaly.
Buǵan deıin Qaırat Boranbaevtyń jazasynyń úshten bir bóligin ótep, bosap shyǵatyny belgili boldy. Jýrnalıster Bas prokýratýra ókilinen kásipkerdiń bostandyqqa qashan shyǵatynyn naqtylaýyn surady.
Qazirgi tańda sottyń sheshimi qabyldandy. Sottyń sheshimi zańdy kúshine engen kezde bostandyqqa shyǵady. Qazir naqty qaı kúni shyǵatynyn aıta almaımyn, esimde joq. Biraq sottyń sheshimi bir apta buryn qabyldandy desek, sodan bastap on bes kúndeı kútý kerek. Iaǵnı bir aptadan keıin shyǵýy múmkin, - dep jaýap berdi Bas prokýrordyń orynbasary Senattyń jalpy otyrysynan keıin kýlýarda bergen suhbatynda.
