Talıban qozǵalysynyń ókili men Aýǵanstan Islam Ámirliginiń kelissóz tobynyń múshesi Muhammed Sýhaıl Shahın Ózbekstan basshylyǵynyń atyna táýelsizdiktiń 30 jyldyǵyna oraı quttyqtaý joldady. Bul týraly “Adyrna” ulttyq portaly habarlaıdy.
Bul týraly 1 qyrkúıekte Ózbekstan Syrtqy ister mınıstrliginiń resmı ókili Iýsýp Kabýljanov habarlady.
Ózbekstan Syrtqy ister mınıstrligine joldanǵan quttyqtaýda:
«Biz baýyrlas Ózbekstan eliniń basshylyǵy men halqyn Táýelsizdik kúnimen shyn júrekten quttyqtaımyz. Biz kórshiles Ózbekstanmen jemisti jáne dostyq qarym -qatynas ornatqymyz keledi ».
Quttyqtaýda sondaı -aq, Talıbannyń Ózbekstannyń qatysýymen Aýǵanstanda temirjol men elektr jelilerin salý jobalaryn júzege asyrýǵa múddeli ekendigi aıtylady.
«Aýǵanstan Islam Ámirligi bizdiń ózbek seriktesterge osy baǵytta barlyq qajetti kómekti kórsetedi», - delingen quttyqtaýda.
Bul arada áleýmettik jelilerdiń ózbek segmentinde talıbandar aýǵan mektepterinde ózbek tilin oqytýǵa tyıym salyp, Álisher Navoı eskertkishterin buzǵany týraly buǵan deıin habarlanǵan bolatyn.
Alaıda Ózbekstan Syrtqy ister mınıstrliginiń ókili Iýsýp Kabýljanov bul habarlardy «shyndyqqa janaspaıtyn» dep baǵalap, ony taratqandardy synǵa aldy.
