«Halyq jūmylmai, Qazaqstan jaŋa bola almaidy. Halyq qoldamai, bırde-bır basşynyŋ jospary jüzege aspaidy». Būl – belgılı tarihşy ǧalym Hangeldı Äbjanovtyŋ bügın Almaty qalasynda ötken mitingte aitqan sözı.
Beibıt mitingke qatysqan QR Ūlttyq ǧylym akademiiasynyŋ akademigı, tarih ǧylymdarynyŋ doktory, professor Hankeldı Äbjanov babalarymyz bırlıktıŋ qūdıretın, ony saqtaudyŋ şartyn osydan myŋ jyl būryn tasqa jazyp ketkenın aitty.
«Kültegınnıŋ tasynda bylai deidı: «Bekterı, halqy tüzu, adal bolmaǧandyqtan, tabǧach halqynyŋ aldauyna sengendıkten, arbauyna köngendıgınen, bekterı men halyqtyŋ ymyrasyzdyǧynan türık halqy eldıgınen, elınen aiyryldy». Eldıgı degen memlekettıgı degen söz. Al endı osyndai amanat qaldyrǧan babalardyŋ dästürın jalǧastyrǧan Abai, «bırlık malǧa satylsa, ol antūrǧannyŋ basy» deidı. Keşegı qaŋtar qasıretı – sol malǧa, aqşaǧa satylǧandardyŋ ısı. Ondailarǧa Qazaqstan, qazaqtyŋ jerı, tılı kerek emes. Olardyŋ közdegenı tek mal, aqşa, bailyq qana. Al bızdıŋ azattyǧymyz älemnıŋ bailyǧynan da qymbat», - degen ǧalym qaŋtar oqiǧasynan sabaq alyp, Qazaqstannyŋ ärbır azamatyn öte saq, belsendı, yjdaqatty jūmys ısteuge ündedı.
Sondai-aq, ol jaŋaru men jaŋǧyruǧa baǧyttalǧan Memleket basşysy Joldauynyŋ özektılıgıne toqtaldy.
«Keşegı Prezidentımızdıŋ Joldauy – būl Jaŋa Qazaqstandy qūrudyŋ baǧdarlamasy. Mūndaǧy bastamalar, äsırese, saiasi reformalar qalyŋ qazaqty, qarapaiym halyqty bilıkke tartuǧa, olardy belsendı qoǧam qūruşyǧa ainaldyruǧa baǧyttalǧan. Halyq jūmylmai, Qazaqstan jaŋa bola almaidy. Halyq qoldamai, bırde-bır basşynyŋ jospary jüzege aspaidy. Ärdaiym saq bolyp, aldaǧy ısımızdı jasampazdyqpen sapaly atqaraiyq», - dedı Hankeldı Äbjanov.
Eske sala keteiık, bügın Almatylda beibıt miting öttı. Ony «AMANAT» partiiasynyŋ Almaty qalalyq filialy Memleket basşysy Qasym-Jomart Toqaevtyŋ Joldauyndaǧy saiasi reformalardy qoldau maqsatynda ūiymdastyrdy.
Ūqsas jaŋalyqtar
