Májilis depýtaty Nartaı Aralbaıuly Mindetti áleýmettik medıınalyq saqtandyrý (MÁMS) máselesine qatysty ózine kelip túsken saýaldar men aryz-shaǵymdardyń 90%-y tar beıindi mamandarǵa qatysty ekenin aıtty. Bul týraly ol Úkimet saǵatynda jeke klınıkalardaǵy baǵa máselesin kóterdi, dep habarlaıdy “Adyrna” ulttyq portaly.
Terapevti eki apta kútemiz. Odan keıin tar beıindi mamandy aptalap, aılap kútemiz. Qaıtadan terapevtke aınalyp kelemiz» degen másele bar. Tar beıindi mamandardyń ishinde nevropotolog, revmotolog jetispeıtinin halyq jıi aıtady. Naýqas bolǵan, syrqatqa shaldyqqan adamnyń birinshi jaýy – ýaqyt. Sondyqtan halyqtyń talaby mynadaı: terapevtke qaıta aınalyp kelip júre bermeı, bir márte keldik, tar beıindi mamanǵa joldandyq, ary qaraı ózge analızderdi tapsyryp, emdele bersek. Halyqtyń osylaısha ýaqyt joǵaltpasaq degen talaby bar, - dedi ol.
Depýtat Densaýlyq saqtaý mınıstri Ajar Ǵınııattan aýrýhanalardaǵy tar beıindi mamandardyń jetispeýshilin qalaı sheshetinin surap, halyqtyń talabyna qatysty oıyn surady.
Azamattar emdelý úshin jeke klınıkalarǵa barýǵa májbúr bolady. Biraq ol jaqtaǵy baǵalardy estigen kezde adamdar aýrýyn umytyp qalatyn jaǵdaıǵa jetedi. Jeke klınıkalardaǵy baǵa saıasatyn retteý múmkindigi bar ma?, – dep aıtty Nartaı Aralbaıuly.
