Almatynyń «Kenjehan» bazaryna ıelik etedi delinetin Qazaqstannyń eks-prezıdenti Nursultan Nazarbaevtyń qaryndasy Ánıpa Nazarbaevaǵa qatysty daý shyqty. Saýdagerler bazar basshysyna shekten tys qarjy surady dep aryzdanǵan. Máseleni májilis otyrysynda depýtat Nartaı Aralbaıuly Qarjy mınıstri men Bas prokýratýraǵa depýtattyq saýal joldaı otyra, kóterdi, dep jazady "Adyrna" tilshisi.
«Búgingi depýtattyq saýalyma ádiletsizdiktiń shyrmaýyna shyrmalyp, shyrǵalańnan shyǵa almaı qalǵan azamattardyń kóz jasy sebep bolyp otyr. Olar Almatynyń áıgili baraholka bazarynda saýda jasaıtyn qandastar. Qaqaǵan qys pen mı qaınatar jazda, tań atysy, kesh batysy konteınerde otyryp saýda jasaýǵa májbúr jandardy ózin qojaıyn sezingen ekiniń biri kelip tonap jatyr. Bizge joldaǵan myna hatynda «Kenjehan» bazarynyń saýdagerleri bar máselesin tizip jazǵan. Búginge deıin quzyrly oryndarǵa qansha aryzdansa da, «kúshtiniń dúmi dıirmen tartady» demekshi, qanalǵan qarjysyn qaıtara almaı keledi», – deıdi Nartaı Aralbaıuly.
Ol Baraholkadaǵy saýdagerlerden depýtattardyń atyna kelgen aryzda sońǵy 10 jylǵa jýyq ýaqytta «Kenjehan» bazarynyń ıesi Ánıpa Ábishqyzy Nazarbaeva bolǵany jazylǵanyn aıtty.
«Qasyndaǵy adamdar bazardaǵy ár saýda ornyn 10 myń dollarǵa satqan. Alaıda satý-satyp alý jónindegi kelisimshartty jasamaı, tek konteınerdiń pasportyn bergen. «Kelisimshart talap etken jandardy «biz bazarǵa máńgi ıelik etemiz, ýaıymdamańdar» dep qaıtarǵan. Saýdagerlerdiń dereginshe, atalǵan bazarda 1000-ǵa jýyq konteıner bar, ári qaraı esebin shyǵara berińizder. Qolda bar aryzdaǵy aqparatqa súıensek, 2022 jyldyń 4 sáýirinde «Kenjehan» bazarynyń 100 paıyz úlesi «Mıtra «konsaltıng» JShS men Rozenberg E.M. degen azamatqa ótken. Bul bazar 640 mıllıon teńgege satyldy delinedi. Jańadan kelgen bazar qojaıyndary saýdagerlerge «konteınerlerińdi 325 myń teńgeden satyp alyńdar» dep talap qoıǵan. Sonda el 1 orynǵa 2 ret aqsha tólegen. Amalsyz aqshasyn bergen jandarǵa taǵy da satý-satyp alý týraly qujat berilmegen, tek «kelisim» qaǵazy tapsyrylǵan», – dedi depýtat.
Ol kelisimdi sol bazardaǵy notarýıste jasaýǵa mindettegen jáne sol úshin ár saýdager taǵy 43 myń teńgeden tólegenin aıtty. Sonymen qatar ár konteınerdiń ıesinen aıyna 50 500 teńge aqy alynady degen jáne bir tártip shyqqan.
«Muny shaǵymdanǵan el aıtyp otyr. Bul soraqylyq emes pe? «Tólemese, konteınerlerdi mórlep, jaýyp tastaıdy» dep ashynady jurt. Saýdagerlerdiń 3 talaby bar. Bir konteınerge 2 ret aqsha tólegen jurt burynǵy nemese búgingi bazar ıesinde aqshany qaıtaryp bersin deıdi. Bir saýda ornyna eki ret aqsha tóleý aqylǵa syımaıdy ǵoı endi. Ekinshiden, aı saıyn qosymsha qarjy jınaý men jumys oryndaryn mórlep jaýyp tastaýǵa qatysty áreketterdiń zańdylyǵyn tekserip, shara qoldanylsyn dep otyr. Sonymen qatar, «Kenjehan» bazaryn Almatydaǵy Memlekettik kirister departamenti teksergen, sonyń nátıjelerin Qarjy mınıstrligi usynsyn», – deıdi Nartaı Aralbaıuly.
Ol jyl basynda Qazaqstanda 722 bazar tirkelgenin, sonyń kóbisinde zańsyzdyq tolyp jatqanyn aıtty. Sebebi ol jaqtaǵy saýdagerlerden de aryzdar keledi eken.
«Osy depýtattyq saýaldy daıyndaý barysynda Baraholkadaǵy «Rahat jáne «Evrazııa» bazaryndaǵy saýdagerler de shaǵymdaryn jetkizdi. Sondyqtan eldegi barlyq bazardaǵy zańdylyqty tekserý kerek dep esepteımin. Osy depýtattyq saýalǵa zańnamada belgilengen merzim ishinde jazbasha jaýap kútemiz», – dedi májilismen.
Eske sala keteıik, sáýir aıynda Almatydaǵy «Kenjehan» bazarynyń jumysshylary bazar ıesi óz qarajatyna modernızaııalaýdy sheship, ár jalǵa alýshydan 5 mıllıon teńge talap etip otyrǵanyn aıtqan bolatyn.
Qyrkúıek aıynda Almaty oblysynyń soty Úshqońyr sý sharýashylyǵy kolledjin Ánıpa Nazarbaevadan tartyp aldy. Sondaı-aq sot Anıpa Nazarbaevanyń atynan «Ánıpa» JK senimgerlik basqarý sharty boıynsha berilgen obektilerdi keıinnen satyp alý quqyǵymen bosatýdy jáne qaıtarýdy mindettedi.
Posmotret etý pýblıkaııý v Instagram
