Äbılqaiyr Sqaqov Äleumettık medisinalyq saqtandyru qorynyŋ basqarma töraǧasy qyzmetınen kettı, dep habarlaidy “Adyrna” ūlttyq portaly.
Qordyŋ baspasöz qyzmetı būl aqparatty rastap, onyŋ qyzmetten öz erkımen ketu şeşımı turaly mälımdedı.
Äbılqaiyr Sqaqov 1974 jyly Pavlodar oblysynda düniege kelgen. Ol ekonomika jäne qarjy, qūqyq, sondai-aq biznestı basqaru magistrı mamandyqtary boiynşa üş joǧary bılımge ie.
Sqaqovtyŋ eŋbek joly 1995 jyly bastalǧan. Ol Pavlodar jäne Qostanai oblystarynda salyq organdarynda jūmys ıstegen, 2012-2016 jyldary Qarjy ministrlıgı jüiesınde ärtürlı lauazymdardy atqarǧan. Keiın Qorǧanys ministrlıgınıŋ vise-ministrı, Qarjy monitoringı komitetınıŋ basşysy, sondai-aq 2020-2022 jyldary Pavlodar oblysynyŋ äkımı bolyp qyzmet ettı.
Äleumettık medisinalyq saqtandyru qorynyŋ basqarma töraǧasy qyzmetıne Äbılqaiyr Sqaqov 2023 jyldyŋ qyrküiek aiynda taǧaiyndalǧan bolatyn. Qyzmetınen ketkenı turaly naqty sebepter aitylmaǧan.
Ūqsas jaŋalyqtar
