MÄMS jüiesı qajet ekenın bügın köp jankuerlerdın közı jetude. Sebebı bügınde medisina öte qarqyndy damyp keledı. Jaŋa tehnologiialar, qymbat apparattar, kürdelı operasiialar ülken qarjyny talap etedı.
Mysaly, qazır elımızde PET, MRT siiaqty zamanaui tekseruler, protondyq terapiia, robottyŋ kömegımen jasalatyn operasiialar, jürek, büirek, bauyr transplantasiialary siiaqty ärtürlı joǧary tehnologiialyq medisinalyq qyzmetter körsetılıp jatyr. Būryn mūndai em alu üşın azamattar şetel asyp, em ızdeitın bolsa, qazır olardyŋ barlyǧy elımızde Qazaqstanda qoljetımdı.
Sonymen qatar därıgerlerımız şetelde bılımın jetıldırıp, täjıribe almasyp keledı. Mūnyŋ bärı densaulyq saqtau jüiesınıŋ damuyna yqpal etedı. Sondyqtan mūndai qyzmetterdıŋ tūraqty jūmys ısteuı üşın saqtandyru jüiesı maŋyzdy. Qysqaşa aitqanda bügıngı künı MÄMS aiasynda saqtandyrylǧan azamattar medisinalyq kömek alyp, ärtürlı em-şara qoldana otyryp, jyly lebızderın aityp jatyr!
Osyny eskere otyryp bır maŋyzdy süraqqa jauap beru qajet bolyp tür. Bül süraq jiı İnstagramm paraqşasynda, jäne basqa äulemettık jelelerde kezdesıp turady.
«Men jarna töleimın, bıraq emhanaǧa barmaimyn. Aqşam qaida ketedı?» degen sūraqqa jauap beruge bız mäjbür boldyq.
Būl jerde MÄMS-tıŋ negızgı qaǧidatyn tüsınu maŋyzdy. Ol – ortaq jauapkerşılık pen özara qoldau jüiesı.
Qazırgı taŋda Qazaqstanda 20 millionnan astam halyq tūrady. Onyŋ ışınde şamamen 11,8 million adam jeŋıldık sanatyna kıredı. Būlar – balalar, zeinetkerler, jüktı äielder, studentter, mügedektıgı bar azamattar, köpbalaly analar jäne basqa da äleumettık osal toptar.
Olardyŋ jarnasyn memleket töleidı.
2026 jyldyŋ bırınşı jartyjyldyǧynda memleket osy azamattar üşın qorǧa 92 milliard teŋge audardy. Bıraq sol azamattarǧa körsetılgen medisinalyq kömektıŋ kölemı 479 milliard teŋgenı qūrady. Iаǧni, körsetılgen kömek tölengen qarajattan 5 eseden astam köp boldy.
Būl – saqtandyrudyŋ basty qaǧidasy. Bügın sız auyrmaisyz, medisinalyq kömek almauyŋyz mümkın. Bıraq däl sol qarajat bügın emge mūqtaj basqa azamattarǧa jūmsalady. Erteŋ sızge nemese jaqyndaryŋyzǧa qymbat operasiia nemese ūzaq em qajet bolsa, sol kezde jüie sızdı de qorǧaidy.
Jeke käsıpkerler üşın jarna mölşerı ai saiyn tūraqty – 5 950 teŋge. Būl soma käsıpkerdıŋ tabysyna bailanysty özgermeidı. Aiyna 100 myŋ teŋge tapsa da, bırneşe million teŋge tapsa da, jarna bırdei.
Sondai-aq, özı-özıne töleuşıler 279 myŋ adamdy qūrasa būl sanattan I jartyjyldyq qorytyndysy 5 mlrd teŋge tüsım tüsse, atalǧan sanattaǧy 83 myŋ adamǧa 14 mlrd teŋgege, iaǧni 3 ese köp qarajatqa medisinalyq kömektı MÄMS aiasynda tegın alǧan. Özın-özı töleitın azamattar üşın ai saiynǧy jarna – 4 250 teŋge. Eger olar 12 aiǧa aldyn-ala 51 myŋ teŋge tölem jasasa, saqtandyrylǧan märtebesın alyp, qajet bolǧan jaǧdaida MÄMS aiasyndaǧy medisinalyq kömektı tolyq paidalana alady.
«Äleumettık medisinalyq saqtandyru qory» KEAQ Astana qalasy boiynşa filialynyŋ baspasöz ortalyǧy
