Astanada qaýipti vırýs tarala bastady. Dárigerlerdiń aıtýynsha, ázirge buǵan qarsy naqty em de, vakına da joq. Bul týraly KTK arnasy jarııalady, dep habarlaıdy “Adyrna” ulttyq portaly.
Aqparatqa súıensek, jumbaq ınfekııany juqtyrǵandarda qusý, dıareıa jáne joǵary temperatýra syndy belgiler baıqalady. Tipti emshektegi balalar da muny juqtyrýda.
Juqpaly aýrýlar bóliminiń dárigerleri kúnine osyndaı belgilermen bes adam keletinin aıtty. Vırýs aǵzaǵa aýa tamshylary arqyly, shomylý kezinde, sondaı-aq taza emes sý, jýylmaǵan kókónister men jemister arqyly juǵady.
Osy ýaqytqa deıin naqty emdeý tásili ázirlenbegen. Aýrý asqynsa, ólimge de ákelýi múmkin.
Naqty em, naqty vakına áli joq. Sımptomatıkalyq em taǵaıyndalady. Menıngıt, menıngoenefalıtke asqynyp ketýi múmkin. Keıde ólim de bolady, – dedi Astana qalalyq ınfekııalyq ortalyǵynyń aýa-tamshyly ınfekııalar bólimshesiniń meńgerýishisi Gúljanat Shırshikbaeva.
Bes aıda enterovırýstyq ınfekııanyń 569 jaǵdaıy tirkeldi. Dál qazir elordada enterovırýs órship tur.
Negizinen qazir úıde otyrǵan balalarda bul syrtqat jıi tirkelýde. Naýqas balalardyń 66%-y – balabaqshaǵa barmaıtyndar. Aýyz sý, sýburqaqtar, ashyq sý aıdyndaryna únemi sanepıdmonıtorıng júrgiziledi, – dedi Astana qalasy sanıtarlyq-epıdemıologııalyq baqylaý departamenti basshysynyń orynbasary Janna Pirálıeva.
Dárigerlerdiń aıtýynsha, qazir bólimshede ınfekııamen birneshe adam jatyr, taǵy bir naýqas qabyldaý bólmesine jetkizildi. Klınıkalyq belgileri koronavırýsqa uqsas bolǵanymen, bul múldem basqa aýrý.
Este sqtaıyq, dárigerler aýrýdan saqtaný úshin qoldy jıi jýyp, tazartylǵan sý ishýge keńes berdi.
