Astanada LRT qūrylys alaŋyndaǧy jūmysşylardyŋ qauıpsızdık erejelerın öreskel būzǧany anyqtaldy. Qytailyq kompaniia qataŋ sögıs aldy, dep habarlaidy "Adyrna" ūlttyq portaly.
Bır kün būryn jelıde jūmysşylardyŋ temır blokty bos joldyŋ üstınen kabeldermen tasymaldap jatqanyn körsetetın video tarady. Būl jaǧdaiǧa qatysty Astana qalalyq kölık basqarmasy tüsınıkteme berdı. Basqarma mälımetınşe, qauıpsızdık erejelerın öreskel būzǧany üşın kompaniianyŋ ekı basşysy qyzmetınen şettetılgen.
"Ūly Dala daŋǧyly men Qabanbai batyr daŋǧylynyŋ qiylysynda basqalardyŋ qauıpsızdıgıne qauıp töndıretın LRT qūrylys alaŋynda merdıgerdıŋ qauıpsızdık erejelerın öreskel būzuy tırkeldı. Metall arka qūrylysyna CTS kompaniiasy rūqsat bermedı, osyǧan bailanysty uaqytşa toqtatyldy", – delıngen habarlamada.
LRT qūrylysymen ainalysyp jatqan qytailyq CTS kompaniiasy joba jetekşısı men qauıpsızdık jönındegı basşysy qauıpsızdık erejelerın öreskel būzǧany üşın qyzmetınen şettetılgenın mälım ettı. Al jobanyŋ bas injenerıne tehnikalyq qadaǧalaumen dūrys baqylau jürgızbegenı üşın qataŋ sögıs berılgen.
"Bolaşaqta bloktardy äue kölıgımen tasymaldau jūmystary keşkı uaqytta ekı saǧatqa deiın qozǧalysty tolyq şekteudı ūiymdastyru aiasynda jürgızıledı", – dep sendırdı kompaniia.
Ūqsas jaŋalyqtar
