Astana qalasynyń aýdandyq soty burynǵy energetıka vıe-mınıstri Anatolıı Shkarýpanyń moraldyq shyǵyndy óndirý týraly azamattyq talap aryzy boıynsha sheshim shyǵardy. Bul týraly Astana sottarynyń Facebook paraqshasynda jarııalandy, dep habarlaıdy “Adyrna” ulttyq portaly.
Aqparatqa súıensek, talapker sot úkimimen qylmys jasaýǵa qatysqany dáleldenbeýine baılanysty kinásiz dep tanylǵan. Atalǵan úkimde aqtalǵan talapkerdiń qylmystyq isti júrgizgen organnyń zańsyz is-áreketinen kelgen zııandy óndirip alý quqyǵy kórsetilgen.
Aıta keteıik, Shkarýpa 2018 jyly Bas prokýratýranyń jedel tergeý tobymen ustalyp, tergeý sotynyń sankııasymen tergeý ızolıatoryna qamalǵan edi. Sheneýnikke 215 mln teńgeni jymqyrdy degen aıyp taǵyldy. Ol kezde Bas prokýror qyzmetin Qaırat Qojamjarov atqardy.
Al 2021 jyldyń 26 qańtarynda Qaraǵandy qalasy Qazybek bı aýdandyq soty A.Shkarýpany Qylmystyq kodekstiń 189-baby 4-tarmaǵy 2-tarmaqshasynda kódelgen qylmysty jasaýǵa kináli emes dep tanyp, qylmystyq quqyq buzýshylyqtyń bolmaýyna baılanysty aqtaǵan.
Sol jyly aqpanda Qaraǵandy oblystyq qylmystyq ister jónindegi sot alqasy birinshi saty úkimin ózgerissiz qaldyrdy.
«Sot talapty jartylaı qanaǵattandyrdy. Qarjy mınıstrliginen 10 mln teńge mólsherinde moraldyq zııan ótemaqysy óndirip alynady», - delingen taratylǵan aqparatta.
2021 jyldyń 26 aqpanynda Qaraǵandy qalasynyń Qazybek bı aýdandyq soty Anatolıı Shkarýpany aqtady.
