14 jeltoqsan künı Astana qalasynda Qazaqstan men İspaniia arasyndaǧy diplomatiialyq qatynastarǧa 30 jyl toluyna orai, tanymal ispan jazuşysynyŋ qatysuymen ädebi keş ötedı, dep jazady "Adyrna" ūlttyq portaly.
Haver Moro – bestsellerge ainalǧan «Pasión India» kıtabynyŋ avtory. Būl tuyndy 22 tılge audarylyp, älem oqyrmandary arasynda ülken sūranysqa ie bolǧan. Qalamger otyzdan asa eŋbek jazyp, ädebiet salasynda «Premio Planeta», «Christopher Award» siiaqty jüldelerdı ielengen.
İspaniia – Qazaqstannyŋ täuelsızdıgın moiyndaǧan jäne onymen strategiialyq serıktestık turaly kelısımge qol qoiǧan Europadaǧy alǧaşqy elderdıŋ bırı. Qazaq ädebietı men mädenietıne ispan halqynyŋ közqarasy erekşe. Oǧan dälel retınde qazaq ädebietın, qazaq poeziiasyn ispan jūrtşylyǧyna tanytqan belgılı jazuşy Husto Horhe Padrondy atap ötuge bolady. Husto Horhe qazaq aqyndary haqynda jazǧan maqalalarynda qazaq poeziiasy turaly oi qozǧauy, ädebietımızdı ispan jūrtyna jetkızuı ekı el arasynda ädebi bailanysty qalyptastyrdy. Qazaq ädebietı jaŋa qatynastar men közqarastarǧa jol aşyp, 2015 jyly Husto Horhenıŋ «Tozaq şeŋberlerı» («Los circculos del infirno») atty kıtaby aqyn Tanaköz Tolqynqyzynyŋ audarmasymen ispan jäne qazaq tılderınde basylyp şyqty. Al 2017 jyly «Qazaq aqyndarynyŋ antologiiasy» atty kölemdı eŋbek alǧaş ret ispan tılıne audarylyp, kıtaptyŋ tūsaukeserı Madrid qalasynda öttı.
Sonymen qatar ädebi kezdesude aqyn, Qazaqstannyŋ eŋbek sıŋırgen qairatkerı, Halyqaralyq «Alaş» ädebi syilyǧynyŋ iegerı, «Daryn» Memlekettık jastar syilyǧynyŋ laureaty, Qazaqstan Jazuşylar odaǧy nyŋ töraǧasy Däuletkerei Käpūlynyŋ «Balbal zary» (is. «El llanto del balbal») atty ispan tılıne audarylǧan kıtabynyŋ tūsaukeserı ötedı.
Atalmyş şaraǧa İspaniia Koroldıgınıŋ Qazaqstandaǧy Tötenşe jäne Ökılettı elşısı Horhe Urbiola Lopes de Montenegro jäne Älıbek Asqarūly, Janat Äskerbekqyzy, Oŋaigül Tūrjan, Tanaköz Tolqynqyzy, Oljas Qasym, Erbol Beiılhan syndy qalamgerler qatysady.
Ūiymdastyruşylar: İspaniia memleketınıŋ Qazaqstandaǧy elşılıgı, Qazaqstan Jazuşylar odaǧy Astana qalalyq filialy, Ūlttyq akademiialyq kıtaphana jäne «Foliant» baspasy
Esterıŋızge salsaq, Foliant baspasynan ispandyq jazuşylar – Arturo Peres-Revertenıŋ «Qūrsau nemese ölım üstındegı oiyn», Migel de Servantestıŋ «Don Kihot» romandary, Rosio Bonilianyŋ balalarǧa arnalǧan «Körşıler», «Torǧai bolǧym kelmeidı», «Atam jäne men» tuyndylary qazaq tılınde jaryq kördı. Sondai-aq «Foliant» baspasy İspaniia elşılıgınıŋ kömegımen jas jazuşy Migel Reina Antolinnıŋ «Luces en el mar» (Teŋız şūǧylasy) romanyn qazaq tılıne audaru jūmysyn qolǧa aldy.
Kezdesu ötetın oryn: Astana qalasy, Dostyq köşesı 11 (Ūlttyq akademiialyq kıtaphananyŋ Konstitusiia zaly)
Künı: 14 jeltoqsan saǧ: 11:00
"Adyrna" ūlttyq portaly
Ūqsas jaŋalyqtar
