استانادا قاۋىپتى ۆيرۋس تارالا باستادى. دارىگەرلەردىڭ ايتۋىنشا، ازىرگە بۇعان قارسى ناقتى ەم دە، ۆاكتسينا دا جوق. بۇل تۋرالى كتك ارناسى جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سۇيەنسەك، جۇمباق ينفەكتسيانى جۇقتىرعانداردا قۇسۋ، ديارەيا جانە جوعارى تەمپەراتۋرا سىندى بەلگىلەر بايقالادى. تىپتى ەمشەكتەگى بالالار دا مۇنى جۇقتىرۋدا.
جۇقپالى اۋرۋلار ءبولىمىنىڭ دارىگەرلەرى كۇنىنە وسىنداي بەلگىلەرمەن بەس ادام كەلەتىنىن ايتتى. ۆيرۋس اعزاعا اۋا تامشىلارى ارقىلى، شومىلۋ كەزىندە، سونداي-اق تازا ەمەس سۋ، جۋىلماعان كوكونىستەر مەن جەمىستەر ارقىلى جۇعادى.
وسى ۋاقىتقا دەيىن ناقتى ەمدەۋ ءتاسىلى ازىرلەنبەگەن. اۋرۋ اسقىنسا، ولىمگە دە اكەلۋى مۇمكىن.
ناقتى ەم، ناقتى ۆاكتسينا ءالى جوق. سيمپتوماتيكالىق ەم تاعايىندالادى. مەنينگيت، مەنينگوەنتسەفاليتكە اسقىنىپ كەتۋى مۇمكىن. كەيدە ءولىم دە بولادى، – دەدى استانا قالالىق ينفەكتسيالىق ورتالىعىنىڭ اۋا-تامشىلى ينفەكتسيالار بولىمشەسىنىڭ مەڭگەرۋىشىسى گۇلجانات شيرشىكباەۆا.
بەس ايدا ەنتەروۆيرۋستىق ينفەكتسيانىڭ 569 جاعدايى تىركەلدى. ءدال قازىر ەلوردادا ەنتەروۆيرۋس ءورشىپ تۇر.
نەگىزىنەن قازىر ۇيدە وتىرعان بالالاردا بۇل سىرتقات ءجيى تىركەلۋدە. ناۋقاس بالالاردىڭ 66%-ى – بالاباقشاعا بارمايتىندار. اۋىز سۋ، سۋبۇرقاقتار، اشىق سۋ ايدىندارىنا ۇنەمى سانەپيدمونيتورينگ جۇرگىزىلەدى، – دەدى استانا قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى جاننا پىراليەۆا.
دارىگەرلەردىڭ ايتۋىنشا، قازىر بولىمشەدە ينفەكتسيامەن بىرنەشە ادام جاتىر، تاعى ءبىر ناۋقاس قابىلداۋ بولمەسىنە جەتكىزىلدى. كلينيكالىق بەلگىلەرى كوروناۆيرۋسقا ۇقساس بولعانىمەن، بۇل مۇلدەم باسقا اۋرۋ.
ەستە سقتايىق، دارىگەرلەر اۋرۋدان ساقتانۋ ءۇشىن قولدى ءجيى جۋىپ، تازارتىلعان سۋ ىشۋگە كەڭەس بەردى.
