Keşe Mäjılıske köpten berı dau bolǧan «Mass-media turaly» Zaŋ jobasy kelıp tüstı. Sondai-aq «Onlain-platformalar jäne onlain-jarnama turaly» Zaŋ jobasy bırınşı oqylymda qaraldy. Atalǧan zaŋ jobasyna bailanysty Aqparat jäne qoǧamdyq damu ministrı Darhan Qydyrälıge bırneşe sūraq qoidyq.
– «Onlain-platformalar jäne onlain-jarnama turaly» Zaŋ jobasy boiynşa blogerler aqyly post jazatyn bolsa, arnaiy belgı qoiuǧa mındettı bolady. Bız äleumettık jelıde bilıktıŋ pozisiiasyn aqtap bırınen bırı aumaityn post jazatyn toptar bar degendı estimız. Keibır blogerler Jaŋaözen azamattaryna qatysty aqyly post jazǧanyn moiyndady. Jalpy aqyly post jazatyn adamdar arnaiy belgı qoiu kerek pe?
– Bırınşıden, zaŋ bärıne ortaq. Zaŋnyŋ aldynda bärımız teŋbız, bız zaŋ üstemdıgı turaly aityp otyrmyz. Ekınşıden, belgıleu zaŋ qabyldanǧannan keiın arnaiy ereje boiynşa belgılenedı. Öitkenı ol jarnama ma, jarnama emes pe, keide ol manipuliasiiaǧa tüsıruı mümkın. Mäselen, kei kezde esırtkı nemese belgılı bır mekemenıŋ müddesı jarnamalanuy mümkın. Sondyqtan arnaiy belgı qoiu gazetterde bolǧan sekıldı onlain platformada bar ekenı halyqaralyq täjıribede belgılı.
Būl bırınşıden. Ekınşıden, bilık dep kettıŋız, bıraq ony olardyŋ özınen sūrau kerek. Mysaly, tu, täuelsızdık sekıldı memlekettık merekelerde är adam özı jarnamasyz özı jazuy mümkın, ol jarnamalyq sipat bolmauy mümkın. Mysaly, keşe Memlekettık rämızder künı boldy. Bärımız memleketımız, rämızımız turaly jazdyq. Sondyqtan mūndai närsenı jarnamalyq sipat dep eseptemeimın. Al endı tapsyrys aldyq deitın azamattar bolsa, bızdıŋ ministrlıkte ondai joq. Olardyŋ özderınen sūrau kerek şyǧar.
– Mäjılıske mass-media turaly zaŋ jobasy kelıp tüstı. Būǧan deiın būl zaŋ jobasy qoǧam, jalpy jurnalister tarapynan synǧa ūşyraǧanyn özıŋız bılesız. Äsırese, jurnalistke berıletın märtebemen, press-karta turaly syn boldy. Osyǧan bailanysty qandai da bır özgerıs engızıldı me?
– İä, būl zaŋ jobasy boiynşa bırşama talqylau boldy. Jalpy 40-tan astam kezdesu ötıp, qyzu talqylandy, köptegen sūraqtar boldy. Bızdıŋ ärıptesterımız, onyŋ ışınde menıŋ özım de ärıptesterımızben jäne halyqaralyq ūiymdarmen kezdesıp, zaŋ jobasyn jetıldırdık.
Mysaly, şekteu merızımıne bailanysty bızdıŋ bıraz mäselelerımız bar edı. Jurnalist märtebesı jäne press-karta ielerıne türlı artyqşylyqtar beru keibır memlekettık qūrylymdar tarapynan qoldau tapqan joq. Bız endı sony Mäjılıste jūmys toby arqyly qoldau körsetedı dep otyrmyz. Būl älı de sozylatyn prosess. Jūmys tobyna sızderdı de şaqyramyz jäne 30 mausymǧa deiın ülgermeitınımız belgılı. Sondyqtan küzge deiın jalǧasady. Bız oǧan asyqpaimyz.
Mysaly, memlekettık tıl turaly közqarasymyz bar, ony 50/50 emes, 66/6, iaǧni 33/2 köteru mäselesı nemese press-karta ielerıne är türlı mädeni oşaqtarǧa, qoǧamdyq kölıkte, är türlı ıs-şarada jeŋıldıkter jasaluy mümkın.
Sızderdıŋ, iaǧni jurnalisterdıŋ pıkırı jūmys tobynda eskerıledı dep oilaimyn jäne oǧan belsene qatysuǧa şaqyramyn. Al qazırgı deiın atalǧan zaŋ jobasy memlekettık qūrylymdardan talqylaudan ötıp, Mäjılıske tüsıp otyrǧan jaiy bar.
Serık Joldasbai
«Adyrna» ūlttyq portaly
Ūqsas jaŋalyqtar
