Kaspi.kz käsıpkerlerge Qytaidan tauarlardy sapasyn tekserıp, tolyq resmi qūjattarymen tapsyrys beruge kömektesetın jaŋa «Köterme satyp alular» onlain-qyzmetın ıske qosty. Barlyq tauarlar men qyzmetterge tölem teŋgemen jürgızıledı.
Qyzmet Kaspi Pay qosymşasynda Qazaqstannyŋ barlyq öŋırındegı käsıpkerlerge qoljetımdı. Tapsyrysty bırneşe ret basu arqyly räsımdeuge bolady, al bükıl prosess — tölem, kedendık räsımdeu jäne esıkke deiın jetkızu - Kaspi.kz tarapynan jüzege asyrylady. Qajet bolǧan jaǧdaida jeke talaptardy eskere otyryp ırı partiialarǧa da tapsyrys beruge bolady.
Tauarlardyŋ resmi türde äkelınuı jäne qūjattardyŋ boluy käsıpkerlerge satyp alynǧan önımderdı artyq täuekelsız satuǧa mümkındık beredı - bölşek saudada, onlain formatta, kez kelgen marketpleisterde nemese sauda nüktelerınde. Sondai-aq buhgalterlık jäne salyqtyq eseptı dūrys jürgızuge jaǧdai jasaidy.
Kaspi.kz basşysy jäne negızın qalauşylardyŋ bırı Mihail Lomtadze:
«Köterme satyp alular» qyzmetı bızdıŋ serıktesterımızge tauar partiialaryn sapany baqylaumen, esıkke deiın jyldam jetkızumen jäne tolyq resmi qūjattar paketımen tapsyrys beruge mümkındık beredı. Būl bizneske jyldam damuǧa, assortimentın keŋeituge jäne jaŋa jūmys oryndaryn aşuǧa kömektesedı, osylaişa käsıpkerlıktıŋ damuyna jäne Qazaqstan ekonomikasynyŋ ösuıne üles qosady. Bızben bırge bolǧandaryŋyz üşın ärbır süiıktı klientımızge jäne serıktesımızge raqmet!»
Jaŋa servis turaly tolyǧyraq aqparat Serıktesterge arnalǧan Gid bölımınde.
Kaspi.kz turaly
Kaspi.kz missiiasy – klientter men serıktesterdıŋ ömırın jaqsartatyn innovasiialyq önımder men qyzmetter jasau. İnnovasiialardyŋ ortalyǧynda – eldegı eŋ tanymal mobildı superqosymşa Kaspi.kz. Ony şamamen 16 millionǧa juyq qazaqstandyq qoldanady, ol eldegı elektrondy sauda, tölem jäne qarjylyq jetekşı servisterdı qamtidy.
Kaspi.kz superqosymşasy arqyly qazaqstandyqtar tegın jetkızu qyzmetı bar tiımdı onlain sauda jasap, komissiiasyz tölemder men audarymdar jasaidy, jeke qarjylaryn basqarady, äue jäne temırjol biletterın satyp alady, turlar räsımdeidı jäne eŋ tanymal memlekettık qyzmetterdı paidalanady.
Kaspi.kz biznes üşın de Kaspi Pay superqosymşasyn äzırledı, ony Qazaqstandaǧy şamamen 700 myŋ käsıpker paidalanady. Kaspi Pay arqyly käsıpkerler biznesın damytuǧa qarjylandyru alady, tölem qabyldaidy, jarnamalyq nauqandar jürgızedı, salyq töleidı, elektrondyq sauda jäne jetkızu platformasyna qosylady, onyŋ kömegımen tauarlaryn bükıl el aumaǧynda satady.
Garvard Biznes mektebı Kaspi.kz turaly ekı oqu materialyn äzırledı, ony bırneşe jyldan berı magistratura studentterı oqyp keledı.
