Jaŋa Konstitusiianyŋ qabyldanuyna jäne referendumnyŋ sättı ötuıne orai Mäjılıstegı «AMANAT» partiiasy fraksiiasynyŋ jiyny öttı. Deputattar dauys beru nätijesı azamattardyŋ tarihi taŋdauyna ainalǧanyn jäne Prezident Qasym-Jomart Toqaevtyŋ reformalar baǧytyna degen qoǧamnyŋ keŋ qoldauyn rastaǧanyn atap öttı. Is-şaraǧa beinekonferensbailanys rejimı arqyly öŋırlık mäslihattardaǧy partiia fraksiialary da qatysty.
Mäjılıs Spikerı, «AMANAT» partiiasynyŋ Töraǧasy Erlan Qoşanov qazaqstandyqtardyŋ basym köpşılıgı jaŋa Konstitusiiany qoldaǧanyn atap ötıp, barşa azamatty osy jeŋıspen qūttyqtady. Ortalyq referendum komissiiasynyŋ mälımetıne säikes, oǧan qatysqan adamdardyŋ 87,15%-y jaŋa Konstitusiiaǧa dauys berdı. Onyŋ aituynşa, mūndai joǧary nätije azamattardyŋ saiasi mädenietı artqanyn jäne olardyŋ Ädılettı Qazaqstandy qūruǧa degen ūmtylysyn aiqyn körsetedı.
«15 nauryz el şejıresınde eleulı oryn alǧan tarihi oqiǧa boldy. Būl – jūrtymyzdy jūmyldyrǧan, ūltymyzdy ūiystyrǧan aituly kün. Quatty, Ädılettı, Progressivtı Qazaqstandy taŋdaǧan kün. Ol – memleket damuyndaǧy jaŋa kezeŋnıŋ bastaluy. Referendum halqymyzdyŋ Prezident reformalaryna zor senım artyp otyrǧanyn aiqyn körsettı. Jaŋa Ata zaŋda milliondaǧan otandasymyzdyŋ talap-tılegı, ümıtı men senımı körınıs tapty. Sondyqtan jaŋa Konstitusiianyŋ qabyldanuy – bükıl halqymyzdyŋ jeŋısı. Ol elımızdı tek biık belesterge, ūly mūrattarǧa jetelei beredı dep senemın», – dedı ol.
Erlan Qoşanov jaŋa Konstitusiianyŋ qabyldanuy memleketımızdegı tübegeilı özgerısterdıŋ bastamasy ekenın atap öttı. Endı jaŋa Konstitusiianyŋ ärbır baby maŋyzdy normaǧa ainalyp, adamdardyŋ igılıgı jolynda qyzmet etuı üşın älı de köp jūmys atqaru qajet. Būl qoǧamnyŋ barlyq progressivtı tobynyŋ küş-jıgerın bırıktırudı talap etedı, al «AMANAT» partiiasy Prezidenttıŋ saiasi tıregı retınde osy jūmystyŋ aldyŋǧy şebınde boluǧa tiıs. Sondai-aq ol «AMANAT» partiiasynyŋ müşelerı Jalpyūlttyq Koalisiia qūramynda auqymdy tüsındıru jūmysyn jürgızgenın, elımızdıŋ barlyq öŋırıne barǧanyn, adamdardyŋ ümıtı men tılegın jaqsy bıletının jäne endı olardyŋ tolyq oryndaluy maŋyzdy ekenın atap öttı.
Jaŋa Konstitusiianyŋ qabyldanuyna orai, jiyn barysynda «AMANAT» partiiasynyŋ Ündeuı de qabyldandy. Qūjat mätının partiianyŋ Atqaruşy hatşysy Däulet Kärıbek oqyp berdı. Onda 15 nauryz künı halyq tarihi ärı sanaly taŋdau jasap, Prezident Qasym-Jomart Toqaevtyŋ reformalar baǧytyna būryn-soŋdy bolmaǧan qoldau bıldırgenı atap ötıldı. Būl – qazaqstandyq azamattar senım artatyn, kün saiyn öz tiımdılıgın däleldep, memlekettı oŋ özgerısterge jeteleitın jatqan baǧyt. Sonymen qatar «AMANAT» partiiasy Memleket basşysynyŋ jetekşılıgımen Ata Zaŋ normalaryn jüzege asyru jäne örkendegen Qazaqstan qūru jolynda özınıŋ barlyq resursyn – Parlament pen mäslihattardaǧy fraksiialaryn, öŋırlık filialdar jelısın, jastar jäne volonterler qūrylymdaryn jūmyldyratyny aityldy.
Otyrys barysynda fraksiia deputattary da söz söiledı. Erlan Sairov geosaiasi turbulenttılık pen tūraqsyzdyq jaǧdaiynda Qazaqstanǧa memlekettıŋ tūraqtylyǧyn saqtauǧa mümkındık beretın jaŋa Konstitusiia qajet ekenın aitty. Sergei Ponomarev jaŋa Konstitusiia qoǧamdyq kelısımdı nyǧaityp, qazaqstandyq qoǧamnyŋ etnosaralyq bırlıgı siiaqty negızgı gumanitarlyq qūndylyqtardy saqtaitynyn atap öttı.
Nartai Särsenǧaliev jaŋa Konstitusiiany qoldau ısındegı jastar qauymynyŋ belsendı rölıne nazar audardy. Onyŋ aituynşa, belsendı jastar tūtas el aumaǧynda myŋdaǧan kezdesu ötkızdı. Sondai-aq ol Konstitusiiada volonterler qyzmetınıŋ bekıtıluı jastardyŋ azamattyq belsendılıgı artyp kele jatqanyn aiqyndaitynyn atap öttı. Iýliia Kuchinskaia referendum qoǧamdyq pıkırdıŋ auqymdy «körınısıne» ainalyp, qazaqstandyqtardyŋ saiasi kemeldıgı men azamattyq jauapkerşılıgınıŋ joǧary deŋgeiın baiqatqanyn mälımdedı. Al Erkın Äbıl proporsionaldy sailau jüiesın engızu jäne partiialardyŋ rölın küşeitu qadamy mazmūndy saiasi bäsekelestıkke jaǧdai jasaitynyn atap öttı. Mūndai jaǧdaida sailauşylar eŋ aldymen kandidattyŋ jeke tūlǧasyn emes, onyŋ baǧdarlamasy men ūsynǧan ideialaryn baǧalaidy.
«AMANAT» partiiasynyŋ baspasöz qyzmetı
Surettı tüsırgen: Äli Ǧalym, Talǧat Tanybaev
