2 aqpan – Ūlttyq basylym künı bolyp bekıtıldı. Būl turaly Aqparat jäne qoǧamdyq damu ministrı Darhan Qydyrälı mälımdedı, dep habarlaidy “Adyrna” ūlttyq portaly.
Jaǧymdy jaŋalyǧymyz bar. 2 aqpan – Ūlttyq basylym künı bolyp bekıtıldı. Bastauynda Ahmet Baitūrsynūly, Älihan Bökeihanūly, Mırjaqyp Dulatūly sekıldı ūlt ziialylary tūrǧan «Qazaq» gazetınıŋ alǧaşqy nömırı osydan 110 jyl būryn, 2 aqpan künı jaryq körgenı belgılı. Alaş ardaqtylarynyŋ qoltaŋbasy qalǧan gazet ūlttyq renessanstyŋ qainar közıne ainalyp, halqymyzdyŋ aqyl-oiyn, sana-sezımın bölek arnaǧa būrdy, - dep jazdy ministr äleumettık jelıdegı paraqşasyna.Ministr Memleket basşysynyŋ būǧan deiın Qazaq radiosynyŋ 100 jyldyǧy aiasynda 1 qazandy Radio qyzmetkerlerı künı dep resmi türde bekıtkenın eske saldy.
Endı mıne, jurnalister qauymy üşın taǧy bır atauly kün belgılenıp otyr. Baspasöz salasynda eselı eŋbek etıp, qalam terbep jürgen barşa ärıptesterımızdı ūlttyq baspasöz künınıŋ belgılenuımen qūttyqtaimyn! - deidı ol.
Ūqsas jaŋalyqtar
