Qazaqstan söz bostandyǧy reitingınde 141-orynǧa tūraqtady, dep habarlaidy “Adyrna” ūlttyq portaly QazTAG-qa sıltep.
2 mamyrda «Şekarasyz tılşıler» (RSF) halyqaralyq ūiymy älemdegı söz bostandyǧy boiynşa jyl saiynǧy reitingın jariialady. Qazaqstan būl tızımde 141-orynǧa jaiǧasyp, 100 mümkın ūpaidyŋ 39,34-yn jinaǧan.
Zertteu bes negızgı körsetkış boiynşa baǧalanǧan. Olar — saiasi ahual, qūqyqtyq baza, ekonomikalyq jaǧdai, äleumettık-mädeni orta jäne jurnalisterdıŋ qauıpsızdıgı. Ūiym deregınşe, 180 eldıŋ 160-ynda būqaralyq aqparat qūraldary tolyqqandy nemese tūraqty türde jūmys ıstei almai otyr.
Qazaqstannyŋ körşılerı de tömen oryndarda tūraqtady. Qyrǧyzstan – 144 oryn, Özbekstan – 148, al Täjıkstan – 153 orynda tūr.
RSF ūiymy täuelsız jurnalistikanyŋ maŋyzdylyǧyn atap ötıp, ekonomikalyq qysymnyŋ jäne saiasi yqpaldyŋ saldarynan köptegen redaksiialardyŋ jabylyp jatqanyn eskerttı.
Jaqsy nätije körsetken elder qatarynda Norvegiia, Estoniia, Şvesiia – üzdık üştık, Armeniia (34) jäne Moldova (35) bar. Al Türkımenstan (174) – aimaqtaǧy eŋ tömengı oryn.
Söz bostandyǧynyŋ reitingı jyl saiyn 3 mamyr, Düniejüzılık baspasöz bostandyǧy künı qarsaŋynda jariialanady. Būl kün BŪŪ Bas Assambleiasynyŋn 1993 jylǧy 21 jeltoqsandaǧy şeşımımen jyl saiyn 3 mamyrda atalyp ötedı. 1991 jyly däl osy künı Namibiia Respublikasynyŋ astanasynda «Vindhuk deklarasiiasyna» qol qoiylǧan. Onda jinalǧandar barlyq eldıŋ bilıgın söz bostandyǧy men baspasözdıŋ jariialylyǧyn qamtamasyz etuge şaqyrǧan bolatyn.
Ūqsas jaŋalyqtar
