"Köpbalaly ata-ananyŋ köbınde masyldyq sana qalyptasqan". Bırqatar äleumettık telebaǧdarlamalardyŋ avtory, halyq ortasynda jürgen jurnalist Jazira Begaly basynan ötken oqiǧasyn söz etıp, oi salarlyq jazba jariialady. Avtor köp balaǧa ömır berıp, memleketke mındet artqan ata-ananyŋ äreketın qoǧam talqysyna tastady. Otbasy jaǧdaiyn oŋaltu maqsatynda jürgızılıp jatqan äleumettık baǧdarlamalardan köbınıŋ beihabar ekendıgın aitty. Būǧan qatysty oqyrmandar pıkır bıldırdı, dep habarlady "Adyrna" ūlttyq portaly.
Jurnalist Jazira Begaly basynan ötken oqiǧasy söz etıp, jazba jariialady:
"7 balam bar. 8—şı säbige jüktımın. 18 şarşy metrde tūramyn. Ülken üide ömır süru armanym. Päter jaldap şarşap kettık" dep jazypty Boraldaidyŋ tūrǧyny. Endı ūltaraqtai jerdı panalap jür eken. Baspanasy joq. Erıŋız ekeuıŋız tūrmystyq jaǧdaiymyzdy tüzeiık , tiyn— teben jinap, baspana aludy josparlamadyŋyzdar ma dep sūrap edım. Tıptı qūjat jinap, üi kezegıne tūruǧa bolatynyn aittym. Kelınşek attai tulap, nege sondai sūraq qoiasyz, sızderdıkı ötırık baǧdarlama da dep jaǧadan aldy.
Jalpy ömırge qanşa qūrsaq äkelse, ol är otbasynyŋ erkı. Bıraq ışer asqa, kiımge aqşamyz joq, baspanasyz qaŋǧyp jürmız dep qaiyr tılep, balalardyŋ köptıgın syltau qylyp üi alyp ber dep sūrau qanşalyqty dūrys dep oilaisyz?Ärine, auruǧa şaldyqqan, türlı oqiǧa saldarynan mügedek bolyp qalǧan, jetım ösken , nauqas bala baǧyp, üide amalsyz bailanyp, ömırın nauqas adamdy baǧuǧa arnaǧan adamdarǧa kömektesu paryzymyz. Balaly üi - bazar. Sol balapandardyŋ qarny toq, ūiqysy tynyş boluyn qamtamasyz etu ata-ananyŋ paryzy. Qazır köpbalaly otbasylarǧa berıletın järdemaqy da qomaqty, jeŋıldetılgen nesiemen üimen qamtamasyz etetın baǧdarlamalar bar. Bıraq būl baǧdarlamalardy keibır ata-analar bılmeidı. Aqparattandyru jūmystary jetıspei me? Äkımder tıkelei halyqpen jūmys ısteu kerek dep oilaimyn, - dep jazdy jurnalist.
Jazira Begalynyŋ jazbasyna qatysty oi qosyp, pıkır bıldırgender köp. Oqyrmandar būǧan qatysty türlı oi-pıkır aityp jatyr. Mäselen:
"Bıreudı söge almaimyn, bıraq köp balalymyz dep toǧyşarlyq tanytatyndar köp. Jūmys ūsynsaŋ nemese qosymşa tabys közın körsetseŋ attai tulap qaşady. Nege?!""Öz jaqyndarymda da bar. Memlekettıŋ järdemaqysy men tuystary kömektesedı degen oimen ömır sürude. Basqalardyŋ tynbai eŋbek etıp jatqanynda eşkımnıŋ şaruasy joq";
"Negızı, jetıspeuşılıkpen ömır sürıp jatqan ananyŋ sanasy san saqta sansyrap jüredı. Sol sebeptı, özıne kerek närsenı oiyn jinap äreket eteuge psihologiialyk mūrşasy boi bermeidı. Sosyn, jasyratyny joq, bızde kündelıktı, ne tūraqty türde mūndai jaǧdaidagy otbasyǧa ükımet tarapynan, ne "Otbasy " bankten berıletın baspana jaily aqparat öte az taratylady. Tek, kerek adam, onyŋ özınde qadalyp jürıp iui men qiuIn täptıştep Izdep tauyp alyp, aryz jazyp üi kezegıne tūruǧa qol jetkızedı. Būl otbasynyŋ äkesınde dūrys tūraqty jūmys joq bolar";
"Bıreudıŋ bır bölmesın panalaǧanşa, patşadai bolyp soltüstıkke köşpei me? Bärı qazaqtyŋ jerı ǧoi";
"Masyldyq sana qalyptasqan köpbalaly ata-ananyŋ köbınde. Bälen bala taptym dep mındetsınıp, olardyŋ bolaşaǧyn būlyŋǧyr etıp, qalai bolsa solai ösırgen dūrys pa, bır balaŋ bolsa da oǧan sapaly ömır, baqytty bala şaq, jarqyn bolaşaq syilaǧan tiımdırek pe degen oi keledı. Bala jasarda memleket üşın demeidı de, asyrarda «qazaqtyŋ sanyn köbeitıp otyrmyn» deidı…" dep jazdy oqyrmandar.
"Adyrna" ūlttyq portaly
Ūqsas jaŋalyqtar
