Ánshi Maqpal Júnisova 15 jyl ýaqyt ishinde eshkim turmysqa shyq dep usynys jasamaǵanyn ashyp aıtty. Anasy da ekinshi ret kúıeýge shyǵýǵa qarsylyǵyn bildirgen, dep habarlaıdy “Adyrna” ulttyq portaly.
«Zákeńniń qaıtqanyna 15 jyl boldy. Ol maǵan áli tiri sekildi. Arhıv bar, sýretter bar. Áli tiri júrgen sekildi. Qyzymdy kúıeýge bersem, sońynan ózim de uzatylamyn dep ázildeımin. Biraq qazir maǵan kim qaraıdy? Jasym 56-da. Zákeń qaıtqanda 41 jasta edim. 42-ge qaraǵan shaǵym. Sodan beri eshbir azamat kelip: «Men saǵan ǵashyqpyn. Maǵan turmysqa shyq. Júr menimen» degen emes. Eshkim ondaı batyrlyq jasaǵan joq», – dedi ánshi.
Anasy da qatań tyıym salǵan.
«Anam da aıtty: «Men tiri turǵanda kúıeýge tımeısiń. Biz de jesir qaldyq. Ólgen joqpyz. Balalardy jetkizýdi oıladyq. Sen de qyzyńdy oıla” dedi. Anam 47 jasynda ákemnen aıyrylǵan. Solaı turmys qurmady. Men de bul taqyrypqa núkte qoıǵanmyn», – dedi halyq ánshisi «Meniń ómirim» baǵdarlamasynda.
Marqum kúıeýi Zamanbek Nurqadilovten keıin eshqandaı adamdy óziniń adamy retinde kórmegenin aıtady.
«Zákeńmen salystyryp turamyn. Maǵan odan artyq azamat joq. Kúıeýge tısem de, ol maǵan unamaı turar. Sebebi, salystyrý bolady. Taǵy ajyrasyp jatsań, jaqsy ataq emes. Sondyqtan qazir men nemere baǵatyn ýaqyttamyn. Maǵan sodan asqan baqyt joq», – dedi Maqpal Júnisova.
“Adyrna” ulttyq portaly
