Qostanai qalalyq bılım bölımınıŋ basşysy Gülsım Orazbaeva biudjet qarajatyn jymqyrdy degen küdıkpen ūstaldy, dep habarlaidy "Adyrna" ūlttyq portaly.
Būl aqparatty Qostanai oblysynyŋ prokuraturasy rastady.
Vedomstvonyŋ mälımetınşe, Qostanai oblysy boiynşa ŪQK departamentınıŋ öndırısınde qalalyq bılım bölımı lauazymdy tūlǧalaryna qatysty qylmystyq ıs tergelıp jatyr.
Tergeu nūsqasyna säikes, bılım bölımınıŋ qyzmetkerlerı basqa tūlǧalarmen bırlesıp, mektepterge bölıngen biudjet qarajatyn jymqyrǧan degen küdıkke ılıngen.
«Qazaqstan Respublikasy Qylmystyq kodeksınıŋ 190-babynyŋ 3-bölıgı (alaiaqtyq) boiynşa közdelgen qylmystyq qūqyq būzuşylyq jasady degen küdıkpen Qostanai qalasy äkımdıgınıŋ bılım bölımınıŋ basşysy Gülsım Orazbaeva ūstaldy. Tergeu jalǧasyp jatyr. Özge aqparat jariialauǧa jatpaidy», – dep habarlady oblystyq prokuratura.
Qadaǧalau organynyŋ mälımetınşe, sotqa deiıngı tergep-tekseru aiasynda bırqatar tergeu äreketterı jürgızılgen. Atap aitqanda, küdıktılerdıŋ tūrǧylyqty jerlerı men jūmys oryndarynda tıntu şaralary ötkızılgen.
Qazırgı uaqytta qylmystyq ıs boiynşa tergeu jalǧasyp jatyr
