"كوپبالالى اتا-انانىڭ كوبىندە ماسىلدىق سانا قالىپتاسقان". بىرقاتار الەۋمەتتىك تەلەباعدارلامالاردىڭ اۆتورى، حالىق ورتاسىندا جۇرگەن جۋرناليست جازيرا بەگالى باسىنان وتكەن وقيعاسىن ءسوز ەتىپ، وي سالارلىق جازبا جاريالادى. اۆتور كوپ بالاعا ءومىر بەرىپ، مەملەكەتكە مىندەت ارتقان اتا-انانىڭ ارەكەتىن قوعام تالقىسىنا تاستادى. وتباسى جاعدايىن وڭالتۋ ماقساتىندا جۇرگىزىلىپ جاتقان الەۋمەتتىك باعدارلامالاردان كوبىنىڭ بەيحابار ەكەندىگىن ايتتى. بۇعان قاتىستى وقىرماندار پىكىر ءبىلدىردى، دەپ حابارلادى "ادىرنا" ۇلتتىق پورتالى.
جۋرناليست جازيرا بەگالى باسىنان وتكەن وقيعاسى ءسوز ەتىپ، جازبا جاريالادى:
"7 بالام بار. ء8—شى سابيگە جۇكتىمىن. 18 شارشى مەتردە تۇرامىن. ۇلكەن ۇيدە ءومىر ءسۇرۋ ارمانىم. پاتەر جالداپ شارشاپ كەتتىك" دەپ جازىپتى بورالدايدىڭ تۇرعىنى. ەندى ۇلتاراقتاي جەردى پانالاپ ءجۇر ەكەن. باسپاناسى جوق. ەرىڭىز ەكەۋىڭىز تۇرمىستىق جاعدايىمىزدى تۇزەيىك ، تيىن— تەبەن جيناپ، باسپانا الۋدى جوسپارلامادىڭىزدار ما دەپ سۇراپ ەدىم. ءتىپتى قۇجات جيناپ، ءۇي كەزەگىنە تۇرۋعا بولاتىنىن ايتتىم. كەلىنشەك اتتاي تۋلاپ، نەگە سونداي سۇراق قوياسىز، سىزدەردىكى وتىرىك باعدارلاما دا دەپ جاعادان الدى.
جالپى ومىرگە قانشا قۇرساق اكەلسە، ول ءار وتباسىنىڭ ەركى. بىراق ىشەر اسقا، كيىمگە اقشامىز جوق، باسپاناسىز قاڭعىپ ءجۇرمىز دەپ قايىر تىلەپ، بالالاردىڭ كوپتىگىن سىلتاۋ قىلىپ ءۇي الىپ بەر دەپ سۇراۋ قانشالىقتى دۇرىس دەپ ويلايسىز؟ارينە، اۋرۋعا شالدىققان، ءتۇرلى وقيعا سالدارىنان مۇگەدەك بولىپ قالعان، جەتىم وسكەن ، ناۋقاس بالا باعىپ، ۇيدە امالسىز بايلانىپ، ءومىرىن ناۋقاس ادامدى باعۋعا ارناعان ادامدارعا كومەكتەسۋ پارىزىمىز. بالالى ءۇي - بازار. سول بالاپانداردىڭ قارنى توق، ۇيقىسى تىنىش بولۋىن قامتاماسىز ەتۋ اتا-انانىڭ پارىزى. قازىر كوپبالالى وتباسىلارعا بەرىلەتىن جاردەماقى دا قوماقتى، جەڭىلدەتىلگەن نەسيەمەن ۇيمەن قامتاماسىز ەتەتىن باعدارلامالار بار. بىراق بۇل باعدارلامالاردى كەيبىر اتا-انالار بىلمەيدى. اقپاراتتاندىرۋ جۇمىستارى جەتىسپەي مە؟ اكىمدەر تىكەلەي حالىقپەن جۇمىس ىستەۋ كەرەك دەپ ويلايمىن، - دەپ جازدى جۋرناليست.
جازيرا بەگالىنىڭ جازباسىنا قاتىستى وي قوسىپ، پىكىر بىلدىرگەندەر كوپ. وقىرماندار بۇعان قاتىستى ءتۇرلى وي-پىكىر ايتىپ جاتىر. ماسەلەن:
"بىرەۋدى سوگە المايمىن، بىراق كوپ بالالىمىز دەپ توعىشارلىق تانىتاتىندار كوپ. جۇمىس ۇسىنساڭ نەمەسە قوسىمشا تابىس كوزىن كورسەتسەڭ اتتاي تۋلاپ قاشادى. نەگە؟!"ء"وز جاقىندارىمدا دا بار. مەملەكەتتىڭ جاردەماقىسى مەن تۋىستارى كومەكتەسەدى دەگەن ويمەن ءومىر سۇرۋدە. باسقالاردىڭ تىنباي ەڭبەك ەتىپ جاتقانىندا ەشكىمنىڭ شارۋاسى جوق";
"نەگىزى، جەتىسپەۋشىلىكپەن ءومىر ءسۇرىپ جاتقان انانىڭ ساناسى سان ساقتا سانسىراپ جۇرەدى. سول سەبەپتى، وزىنە كەرەك نارسەنى ويىن جيناپ ارەكەت ەتەۋگە پسيحولوگيالىك مۇرشاسى بوي بەرمەيدى. سوسىن، جاسىراتىنى جوق، بىزدە كۇندەلىكتى، نە تۇراقتى تۇردە مۇنداي جاعدايداگى وتباسىعا ۇكىمەت تاراپىنان، نە "وتباسى " بانكتەن بەرىلەتىن باسپانا جايلى اقپارات وتە از تاراتىلادى. تەك، كەرەك ادام، ونىڭ وزىندە قادالىپ ءجۇرىپ يۋi مەن قيۋIن تاپتىشتەپ Iزدەپ تاۋىپ الىپ، ارىز جازىپ ءۇي كەزەگىنە تۇرۋعا قول جەتكىزەدى. بۇل وتباسىنىڭ اكەسىندە دۇرىس تۇراقتى جۇمىس جوق بولار";
"بىرەۋدىڭ ءبىر بولمەسىن پانالاعانشا، پاتشاداي بولىپ سولتۇستىككە كوشپەي مە؟ ءبارى قازاقتىڭ جەرى عوي";
"ماسىلدىق سانا قالىپتاسقان كوپبالالى اتا-انانىڭ كوبىندە. بالەن بالا تاپتىم دەپ مىندەتسىنىپ، ولاردىڭ بولاشاعىن بۇلىڭعىر ەتىپ، قالاي بولسا سولاي وسىرگەن دۇرىس پا، ءبىر بالاڭ بولسا دا وعان ساپالى ءومىر، باقىتتى بالا شاق، جارقىن بولاشاق سىيلاعان تيىمدىرەك پە دەگەن وي كەلەدى. بالا جاساردا مەملەكەت ءۇشىن دەمەيدى دە، اسىراردا «قازاقتىڭ سانىن كوبەيتىپ وتىرمىن» دەيدى…" دەپ جازدى وقىرماندار.
"ادىرنا" ۇلتتىق پورتالى
