“Bürkıtşı qyz” atanǧan qandasymyz Aişolpannyŋ otbasy Qazaqstanǧa köşıp keldı, dep habarlaidy “Adyrna” ūlttyq portaly QazAqparatqa sıltep.
«Men Qazaqstandamyn, bır aptadai būryn ata-anam men bauyrlarym köşıp keldı. Özım Almatydaǧy S. Demirel atyndaǧy universitette qazaq tılı men ädebietı mamandyǧy boiynşa 4-kursta oqimyn. Qazır mamandyǧym boiynşa jūmys qarastyryp jatyrmyn», - dedı Aişolpan Kazinform tılşısıne bergen sūhbatynda.
Sondai-aq otandasymyz bürkıt baptau önerın tastamaǧanyn aitty.
«Oqu men bürkıtpen ainalysudy qatar alyp jürmın. Aptasyna bır ret ainalysamyn. Jarystarǧa qatysyp jürgen joqpyn, tek qonaq retınde baramyn. Sebebı oqudan qol timeidı», - deidı bürkıtşı qyz.
Eske salsaq, 2018 jyly qaraşada bürkıtşı Aişolpan turaly film şyqqan bolatyn. Al 2019 jyly Moŋǧoliia kompozitory jerlesımızdıŋ qūrmetıne öz tuyndysyn arnady. Sondai-aq 2022 jyly bürkıtşı Aişolpan turaly aǧylşyn tılınde kıtap şyqty.
Ūqsas jaŋalyqtar
