Şymkentte jük kölıgı balany qaǧyp kettı, dep habarlaidy "Adyrna" ūlttyq portaly Almaty arnasyna sıltep.
Qaiǧyly oqiǧa 1 mausym künı keşkı uaqytta boldy. 11 jastaǧy Nūrasyl Äbdırahman dükenge balmūzdaq aluǧa bara jatqan kezde jük kölıgınıŋ astyna tüsıp, oqiǧa ornynda köz jūmdy.
Kuägerlerdıŋ aituynşa, bala ekı qaryndasymen bırge jaiau jürgınşıler ötkelı arqyly joldy kesıp ötpek bolǧan. Sol sätte kommunaldyq qyzmetke tiesılı auyr jük kölıgı ony qaǧyp ketken. Oqiǧa kuägerlerınıŋ sözınşe, arnaiy tehnika jol-köşe tazalau jäne qoqys şyǧaru jūmystaryn jürgızıp jürgen.
«Bala jol üstınde jatty. Bırneşe metr jerde bas süiegınıŋ bölıkterı men ışkı aǧzalary şaşylyp jatty. Ölım bırden bolǧany körınıp tūrdy. Būl öte auyr jaǧdai», – dedı jergılıktı tūrǧyn Erǧali Süleimenov.
Bügın marqūmdy tuǧan-tuystary aqtyq saparǧa şyǧaryp saldy. Nūrasyl köpbalaly otbasyndaǧy alty balanyŋ bırı bolǧan. Ol mektepte jaqsy oqyp, synybyndaǧy üzdık oquşylardyŋ qatarynda jürgen.
Marqūmnyŋ äkesı Qairat Tasqūlov ūlynyŋ jol qozǧalysy erejesın saqtap, arnaiy ötkelmen ötıp bara jatqanyn aityp, kınälı tūlǧanyŋ zaŋ aiasynda jauapqa tartyluyn talap ettı.
«Balam jaiau jürgınşıler ötkelımen ötıp bara jatqan. Nege jürgızuşı ötkelge nazar audarmaǧan? Ädıl şeşım qabyldansyn», – dedı ol.
Polisiia mälımetınşe, jük kölıgınıŋ jürgızuşısı ūstalyp, uaqytşa ūstau izoliatoryna qamalǧan. Atalǧan derek boiynşa qylmystyq ıs qozǧalyp, tergeu amaldary jürgızılıp jatyr.
