Balalar ögei äkesımen bırge tūratyn otbasylar tekserıledı. Būl turaly Bas prokuraturadaǧy vedomstvoaralyq keŋeste aityldy, dep habarlaidy «Adyrna» tılşısı.
Būdan bölek balalar jaraqattanuynyŋ sebepterı, kämeletke tolmaǧandar arasyndaǧy balalar suisidınıŋ jäne qylmystyŋ aldyn alu jönındegı jūmys talqylandy. Sondai-aq balalardyŋ qūqyqtaryn qorǧau jäne otbasylarǧa qoldau körsetu üşın IT-tehnologiialardy paidalanudyŋ jaŋa täsılderı qarastyryldy.
Bas prokuratura qūqyq būzuşylyqtyŋ aldyn alu şaralarynyŋ tiımdılıgın arttyruǧa mümkındık beretın «E-prevensiia» jobasyn tanystyrdy.
«Kämeletke tolmaǧandarǧa qarsy jynystyq zorlyq-zombylyqtyŋ aldyn alu üşın prokuratura qyzmetkerlerı qolaisyz otbasylarǧa, köpbalaly otbasylarǧa jäne balalar ögei äkesımen bırge tūratyn otbasylarǧa barady»,—dedı basqarmanyŋ baspasöz qyzmetı.
Joba elordada jäne Aqtöbe oblysynda synalyp jatyr.
Al Bala qūqyqtary jönındegı uäkıl Dinara Zakieva zorlyq-zombylyq, qatygezdık, balalardyŋ terezeden qūlauy, balalar mekemelerın lisenziialau jäne bulling mäselelerı boiynşa 50-den astam tüzetulerdı qamtityn balalardyŋ qauıpsızdıgın qamtamasyz etuge qatysty zaŋnamalyq sipattaǧy ūsynystar keltırdı.
Memlekettık organdar būl ūsynystardy jūmys tobynyŋ otyrystarynda talqylaityn bolady.
