Ózbekstan qazaqtary Toqaevqa úndeý tastap, atajurtqa oralyp jatqan qandastarymyz qandaı qıynshylyqtarǵa tap bolatynyn basa aıtty. Bul týraly "Adyrna" ulttyq portaly jazady.
"Qurmetti Qasym-Jomart Kemeluly! Biz Ózbekstan Respýblıkasy, Tashkent oblysy, Bostandyq aýylynyń qazaqtarymyz. Táýelsizdik alǵan jyldardan keıin etnıkalyq qazaqtardan atajurtqa oralǵandarǵa úı salýǵa jer beriletin edi. Qazirgi tańda bul toqtatyldy. Uly kóshtiń baılanýyna da sebep osy. Qazirgi qandastarymyz atajurtqa oralǵanda úı salý, jer alý máselesi moınymyzǵa úlken júk salýda. Sol qandastardy atajurtqa qonystandyrý qasıetti paryzymyz dep ózińiz sózińizde tilge tıek etkendeı, úı salýǵa jer berý máselesin qaıtadan jandandyrýyńyzdy suraımyz. Osy Qazaqstandaǵy turǵylyqty qazaq baýyrlaryma aıtarym ózge elde tildi, dindi, salt-dástúrdi, qazaq qyzdaryn ózge ulttarǵa bermeı saqtap kele jatqan balalarymyzdy satqyn dep aıypqa buıyrmaýlaryńyzdy suraımyn. Bul Sovet Odaǵynyń quıturqy kórsoqyr saıasatynyń arqasynda kelgen qasiret. Qazaq tiliniń, qazaq jeriniń qonshysy qazaq qana. Bir tilim jerdi ózimizden-ózimiz qyzǵanbaıyq"-, dedi qandastarymyz.
"Adyrna" ulttyq portaly
