Äleumettık jelılerde Mysyrda qazaqstandyq azamattardy jappai ūstau bastaldy degen aqparat tarauda, dep habarlaidy "Adyrna" ūlttyq portaly.
Onda jergılıktı polisiianyŋ köşeler men üilerden adamdardy küştep alyp ketıp, studentterdı de ūstap jatqany,keibır azamattardyŋ zaŋdy qūjattary bolǧanyna qaramastan elden deportasiialanǧany turaly jazylǧan.
Jelıde taraǧan aqparatqa süiensek, ūstau kezınde qūqyq qorǧau organdary azamattardyŋ jeke zattaryn tärkılep, keiın qaitarmaǧan degen de mälımetter bar. Sonymen qatar, ūstalǧandar arasynda Resei jäne Özbekstan azamattary da bolǧan degen aqparat tarady.
Alaida būl aqparatqa qatysty Qazaqstan Respublikasynyŋ syrtqy ıster ministrlıgı resmi mälımdeme jasady.
"Qazırgı uaqytta Qazaqstan azamattarynan eşqandai resmi şaǧym tüsken joq. Degenmen, Qazaqstannyŋ Mysyrdaǧy elşılıgı studenttermen profilaktikalyq äŋgıme jürgızıp, eldegı köşı-qon zaŋnamasyn saqtau qajettılıgın eskerttı," – delıngen ministrlıktıŋ baspasöz qyzmetı taratqan habarlamada.
