Sý resýrstary mınıstri 2024 jyldyń basynan Soltústik Aral teńizine 1,9 mlrd tekshe metr sý jiberilgenin málimdedi, dep habarlaıdy "Adyrna" ulttyq portaly Qazaqparatqa siltep.
Halyqaralyq Araldy qutqarý qory basqarmasynyń otyrysynda Sý resýrstary jáne ırrıgaııa mınıstri Nurjan Nurjigitov Soltústik Araldaǵy jalpy sý kólemi 22 mlrd tekshe metrge jetkenin habarlady.
18-shi qyrkúıek kúni ótken mańyzdy jıynǵa Tájikstan, Túrkimenstan, Ózbekstan jáne Qyrǵyzstannan kelgen delegaııalar qatysty.
«Ózderińiz biletindeı, búgingi tańda Prezıdentimiz Halyqaralyq Araldy qutqarý qorynyń basshysy bolyp saılandy. Qordyń tóraǵasy retinde bizdiń elimizge úlken jaýapkershilik júktelgen jáne biz Ortalyq Azııanyń basqa memleketterimen tyǵyz qarym-qatynasta bolamyz. Birlesip Aral teńizin saqtaý boıynsha eleýli nátıjelerge qol jetkizdik jáne osy baǵyttaǵy jumysty ári qaraı jalǵastyrýǵa nıettimiz. Bıyl Soltústik Aralǵa turaqty túrde sý keledi. Sýarý kezeńiniń ortasynda Syrdarııa ózeni arqyly teńizge sekýndyna 80 tekshe metrge deıin sý jiberildi. Salystyrmaly túrde, bir jyl buryn sekýndyna 6 tekshe metr ǵana barǵan bolatyn. Sońǵy jyldary Soltústik Aralda sý kólemi tómendedi, biraq 2024 jyldyń basynan sý deńgeıi qaıta kóterile bastady jáne búginde 22 mlrd tekshe metrge jetti. Soltústik Aralda sý kóleminiń odan ári ulǵaıýyn qamtamasyz etý úshin biz sý dıplomatııasyn kúsheıtip, Soltústik Aral teńizin qalpyna keltirý jónindegi jobanyń ekinshi kezeńin ázirlep jatyrmyz», – dedi Sý resýrstary jáne ırrıgaııa mınıstri Nurjan Nurjigitov.
Jıyn barysynda Qazaqstannyń 2024-2026 jyldary HAQQ tóraǵalyq etý kezeńine arnalǵan Atqarý komıtetiniń jumys josparyn bekitildi. Qujat quryltaıshy memleketterdiń basshylary men HAQQ Prezıdentiniń tapsyrmalaryn iske asyrý, Qordyń uıymdyq qurylymy men sharttyq-quqyqtyq bazasyn jetildirý jáne ózge de máseleler boıynsha 10 baǵyttan jáne 40-tan astam is-sharadan turady.
