Adyrna.kz redakııasy arnaıy zertteý júrgizip, burynǵy Bilim jáne ǵylym mınıstri, qazirgi Senat depýtaty Baqytjan Jumaǵulov pen onyń otbasyna tıesili birqatar «jasyryn bıznesterin» áshkere etti.
Keńes odaǵy qulaǵan soń, joǵarǵy oqý oryndaryn jekeshelendirip, bıznes kózine aınaldyrǵan shendilerdiń qatarynda Baqytjan Jumaǵulov pen onyń otbasy bar. Eńbek jolyn orta mektepte muǵalimdikten bastaǵan Baqytjan Jumaǵulov Qazaqstannyń eks-prezıdenti Nursultan Nazarbaevtyń jaqyn serigi bolǵan. QR Bilim jáne ǵylym birinshi vıe-mınıstri, QR Prezıdenti Ákimshiliginiń Ishki saıasat bóliminiń meńgerýshisi, QR Úkimetiniń Áleýmettik-mádenı damý bóliminiń meńgerýshisi boldy (2001–2005 jj.). 2005 jyly «Otan» RKP Tóraǵasy N.Á.Nazarbaev partııa tóraǵasynyń mindetin atqardy, N.Á. Nazarbaevtyń respýblıkalyq qoǵamdyq shtabyn basqardy, 2007 jyly «Nur Otan» HDP tóraǵasynyń birinshi orynbasary bolyp taǵaıyndaldy. Jumaǵulov elimizdegi eń iri oqý orny – Ál-Farabı atyndaǵy Qazaq ulttyq ýnıversıtetiniń rektory qyzmetin atqardy, QR Parlamenti Májilisi tóraǵasynyń orynbasary, «Nur Otan» frakııasynyń jetekshisi qyzmetin atqardy. Ol 2010-2013 jyldary QR Bilim jáne ǵylym mınıstri bolyp turǵan tusta elimizdegi birqatar bilim ordalaryn óz áýletiniń qaramaǵyna ótkizdi. 2017 jyldan bastap QR Parlamenti Senatynyń depýtaty bolyp otyrǵan Baqytjan Jumaǵulov pen onyń otbasynyń ıeliginde búginde ne bar? Birge qyzyqtap oqyp, kórelik.
BIRNEShE OQÝ ORNYN BASYP ALǴAN OTBASY
ÁIELI QAZAQSTAN INJENERLIK-TEHNOLOGIIaLYQ ÝNIVERSITETINE IELIK ETEDI
Baqytjan Jumaǵulovtyń áıeli Valentına Jumaǵulova Qazaqstan ınjenerlik-tehnologııalyq ýnıversıtetine ıelik etetin jalǵyz quryltaıshy. Bilim ordasy 2010-2022 jyldar aralyǵynda bıýdjetke - 360 mıllıon teńgege jýyq salyq quıǵan.
2010 jyly - 8 mıllıon teńge salyq tólese, 12 jyldan keıin bul kórsetkish 7 ese artyp, ýnıversıtet bıylǵy jyldyń ózinde el qazynasyna - 55 mıllıon teńgege jýyq salyq tólep úlgergen. 20% kóleminde salyq salynsa, demek ýnıversıtettiń 2010-2022 jj. taza tabysy - 1 mıllıard 800 mıllıon teńgeni quraıdy.
Joǵarydaǵy grafıkten Jumaǵulovtyń áıeline tıesili Qazaqstan ınjenerlik-tehnologııalyq ýnıversıteti men memleket arasynda jasalǵan kelisim-shart dınamıkasynyń jyldan jylǵa ósip otyrǵanyn baıqaýǵa bolady. Búginde kelisim-shart somasy - 1 mıllıard 152 mıllıon teńgeni qurap otyr.
ULY BIRQATAR ALPAÝYT KOMPANIIaLARDY IEMDENIP OTYR
Bárinen de senatordyń uly - Rýslan Baqytjanulyna tıesili «alpaýyt kompanııalar» kópshiliktiń qyzyǵýshylyǵyn týdyrary sózsiz.
2015 jylǵy 2 naýryzdan bastap Rýslan Baqytjanuly basqaratyn Kókpekti aýylynan 25 shaqyrym jerde ornalasqan «TOLAǴAI-KEN» JShS memleket bıýdjetine qomaqty salyq tólep otyrǵan irgeli kásiporyn ekeni anyqtaldy.
Baǵaly metaldar men sırek kezdesetin metall kenderin óndirý ónerkásibi 2015-2022 jyldar aralyǵynda el qazynasyna 89 mıllıon teńgeden astam salyq quıǵan. 2015 jyly bıýdjetke bar bolǵany 350 myń teńge salyq tólese, 2022 jyly bul kórsetkish 66 ese artyp, bıylǵy jyldyń ózinde 23 mıllıon teńge salyq tólegen. 20% kóleminde salyq salynsa, demek alpaýyt kompanııanyń 2015-2022 jj. taza tabysy - 445 mıllıon teńgeni quraıdy.
«SKARC LTD» JEKE KOMPANIIaSY
«Tolaǵaı KEN» JShS-niń jalǵyz quryltaıshysy - «SKARC LTD» jeke kompanııasy dep kórsetilgen. Bul kompanııanyń da basshysy – Rýslan Jumaǵulov.
Ashyq derekkózderge sáıkes 2019 jyldyń 25 jeltoqsanynda qurylǵan «SKARC LTD» jeke kompanııasy - Shveıarııa qarjy qorymen birlesip eldiń geologııalyq barlaýyna iri sheteldik ınvestorlardy tartý boıynsha qurylǵan Halyqaralyq ınvestıııalyq kompanııa. 2020-2022 jyldar aralyǵynda memleket qazynasyna 32 mıllıon teńgeden astam salyq quıǵan. 20% kóleminde salyq salynsa, demek kompanııanyń 2020-2022 jj. taza tabysy - 160 mıllıon teńgeni quraıdy.
«EMIRATES KAZAKHSTAN EDUCATION INVESTMENT GROUP» JShS
Senatordyń uly sheteldik ınvestorlardy tartýdy kózdeıtin taǵy bir alpaýyt kompanııaǵa ıelik etetini anyqtaldy. Rýslan Baqytjanuly basqaratyn «Emirates Kazakhstan Education Investment Group» JShS 2017 jyldyń 5 mamyrynan bastap jumys isteıdi. Ashyq derekkózderge súıensek, atalmysh kompanııa elimizde aǵylshyn tilinde bilim berýdi qamtamasyz etetin joǵary sapaly jeke mektepterge degen suranystyń artýyna baılanysty Qazaqstanǵa sheteldik ınvestorlardy tartyp, zaman talabyna saı halyqaralyq mektepter salýdy kózdeıdi.
Esterińizge sala keteıik, jýyrda elorda ákimi Altaı Kólginov te óziniń ınstagram paraqshasynda "Ata-analar tarapynan da jeke mektepterge degen suranys bar. Mysaly, "Emirates Global Education Group" kompanııasynyń ókilderimen kezdestik. Olar óz qarajaty esebinen elordada "Sabis" halyqaralyq mektebi men balabaqsha salyp jatyr. Jalpy sany 3 200 oqýshyǵa arnalady. Bul mektepti kelesi jyly ashýdy josparlap otyrmyz" degen jazba qaldyrǵan.
Kompanııa 2017-2022 jyldar aralyǵynda bıýdjetke 96 mıllıon teńgeden astam salyq quıǵan. 2017 jyly el qazynasyna bar bolǵany 252 myń teńge salyq tólese, 2022 jyly – 16 mıllıon teńgeden astam salyq tólep otyr. 20% kóleminde salyq salynsa, demek kompanııanyń 2017-2022 jj. taza tabysy - 480 mıllıon teńgeni quraıdy.
QAZAQSTAN INJENERLIK-TEHNOLOGIIaLYQ ÝNIVERSITETINIŃ JANYNDAǴY KOLLEDJ
Senatordyń áıeli joǵaryda atap ótkenimizdeı, Qazaqstan ınjenerlik-tehnologııalyq ýnıversıtetiniń quryltaıshysy bolsa, uly - Rýslan Jumaǵulov 2020 jyldyń 30 sáýirinde tirkeýden ótken Qazaqstan ınjenerlik-tehnologııalyq ýnıversıtetiniń janyndaǵy kolledjdiń basty quryltaıshysy eken.
Kolledj 2021-2022 jyldar aralyǵynda memleket qazynasyna 31 mıllıon teńgege jýyq salyq quıdy. 20% kóleminde salyq salynsa, demek kolledjdiń 2021-2022 jj. taza tabysy - 155 mıllıon teńgeni quraıdy.
«MED KÓMEK» MEDIINALYQ ORTALYǴY
Baqytjan Jumaǵulovtyń uly bunymen toqtaǵan joq. Bilim berý salasymen qatar densaýlyq salasyn da qatar alyp júr eken. Rýslan Jumaǵulov 2009 jylǵy 24 sáýirden bastap «MED KÓMEK» medıınalyq ortalyǵyna ıelik etip keledi.
2014-2021 jyldar aralyǵynda el qazynasyna 13 mıllıon teńgeden astam salyq tólepti. Eń qyzyǵy, medıınalyq ortalyq 2015 jyly bıýdjetke – 9 mıllıon teńgeden astam teńge quısa, 2018 jyly – 114 myń teńge ǵana quıǵan. Odan keıingi jyldary salyq kólemi tipten azaıyp, 2019 jyly - 36 myń, 2020 jyly – 0 teńge, 2021 jyly – 6100 teńge, 2022 jyly taǵy da 0 teńge. Demek, búgingi kúni atalmysh medıınalyq ortalyq óz jumysyn ýaqytsha toqtatsa kerek. Ol jaǵy bizge ázirge beımálim.
SENATORDYŃ QYZY AKKREDITTEÝ ORGANDARYNA BASShYLYQ ETEDI
Jumaǵulovtar áýleti «bilim ordalaryn basyp alyp» qana qoımaı, JOO-nyń bilim berý baǵdarlamalary qanshalyqty halyqaralyq standart talaptaryna sáıkes keletinin arnaıy tekseretin «akkredıtteý organdaryn» ashyp, odan da qyrýar aqsha jasaýǵa kóshken.
Búginde senatordyń qyzy Alına Jumaǵulova basqaratyn «Akkredıtteý jáne reıtıng táýelsiz agenttigi» 2011 jyldyń 24 qarasha kúni qurylǵan. Qurylǵan sátinen bastap basty quryltaıshysy - Valentına Jumaǵulova, al basshysy – Alına Jumaǵulovanyń ózi.
Ýnıversıtetterdiń bilim sapasyn baǵalaıtyn agenttik 2013-2022 jyldar aralyǵynda memleket qazynasyna 702 mıllıon teńge kóleminde salyq tólegen. 2013 jyly bıýdjetke 4 mıllıon teńgeden astam salyq quısa, 8 jyldan keıin bul kórsetkish 25 ese artyp, 2022 jyly bıýdjetke 111 mıllıon teńgeden astam salyq tólegen. 20% kóleminde salyq salynsa, demek akkredıtteý agenttiginiń 2013-2022 jj. taza tabysy - 3 mıllıard 510 mıllıon teńgeni quraıdy.
«AKKREDITTEÝ-REITINGT TÁÝELSIZ AGENTTIGI» JShS
Depýtattyń qyzy bunymen shektelmeı, 2018 jyldyń 10 tamyzynda taǵy bir «Akkredıtteý-reıtıngt táýelsiz agenttigi» JShS qurady. Agenttik basshysy - Alına Jumaǵulovanyń ózi, al quryltaıshysy retinde Baǵdat Medetov degen azamat kórsetilgen.
2018-2022 jyldar aralyǵynda memleket qazynasyna 15 mıllıon teńgeden astam salyq tólegen. 2018 jyly – 41 myń teńge ǵana salyq quısa, 2021 jyly – 6,3 mıllıon teńgeden astam, al bıyl bıýdjetke – 3,7 mıllıon teńgeden astam salyq quıǵan. 20% kóleminde salyq salynsa, demek akkredıtteý agenttiginiń 2018-2022 jj. taza tabysy - 75 mıllıon teńgeni quraıdy. Sonymen qosa Alına Jumaǵulovanyń «ALDATE» JShS, «INTER BEK» JShS quryltaıshysy ekeni anyqtaldy.
Esterińizge sala keteıik, Halyqaralyq bıznes basylymy FT (Financial Times) Qazaqstannyń 55 paıyz baılyǵy 162 adamǵa tıesili ekenin anyqtaǵan bolatyn. Olardyń kópshiligi Qazaqstannyń eks prezıdenti Nursultan Nazarbaevpen baılanysty ekeni de belgili. "Jańa, Ádiletti Qazaqstan" quramyz dep ýáde etken Memleket basshysy Qasym-Jomart Toqaev ta buryn Qazaqstannan zańsyz shyǵarylǵan aktıvter men qarajatty elge qaıtarý proesteri júrip jatqanyn habarlaǵan edi. Osyǵan oraı sheneýnikterdiń zańsyz jekeshelendirip alǵan múlikterin memleket menshigine qaıtarýmen aınalysatyn arnaıy komıssııa qurǵanyn da málimdegen bolatyn. Alaıda, 2022 jylǵy qańtar aıynan bastap biz tek Nazarbaev áýletine jaqyn adamdardyń ǵana aktıvteriniń biraz bóligi elge qaıtyp jatqany jaıly aqparat aldyq. Al qalǵan memlekettik qyzmetkerler she? Demek olarǵa zań júrmeıdi me?
Osyǵan deıin Adyrna.kz ulttyq portalyna belgili saıasatker Dos Kóshim suhbat berip, "Tek Nazarbaevtyń týǵan-týysqandary, jaqyndary, qyzdary, kúıeý balalary Qazaqstandy tonady. Tek solar ǵana qylmysker. Basqa bárimiz sútten aq, sýdan tazamyz” degenge men eshqashan senbeımin. Tonaǵandardyń bári - memleket qyzmetkerleriniń, sot júıesiniń kómegine súıengeni aıdan anyq. Júıe buzylǵan joq. Sol júıeniń bir top adamyn - Nazarbaevqa jaqyn adamdaryn memleket jáne bılik ustap berip, solarǵa qysym jasap, solar qaıtaryp jatyr dep basqalarynyń bári qutylyp kete ma? degen qorqynysh bar… Osylardyń barlyǵyn nege teksermeıdi?" dep pikir bildirgen edi. "Ekinshi Respýblıka", "Ádiletti Qazaqstan" quramyz desek, Nazarbaev arqyly baıyp, qazir "eshnárse bolmaǵandaı" kúı tanytyp júrgen memlekettik qyzmetkerlerdiń bárin tekseristen ótkizip, qyzmetten dereý bosatý kerek-aq.
"Adyrna" ulttyq portaly
